မေ-၁၈၊၂၀၂၅။ကဖေး/People’s Spring
ကျောင်းသားကျောင်းသူနှင့် ဆရာမ စုစုပေါင်း ၂၄ဦးသေဆုံးခဲ့သော ဒီပဲယင်းမြို့နယ် ၊အိုးတိန်တွင်းရွာစာသင်ကျောင်းလေကြောင်းတိုက်ခိုက်ခံရသည့် ရုပ်သံမှတ်တမ်းဖြစ်သည်။ တိုက်ခိုက်ချိန်တွင် ဒေသခံအချို့က ဖုန်းဖြင့် ရိုက်ကူးထားခြင်းဖြစ်သည်။
မေလ (၁၂) ရက်၊နံနက် ၉နာရီ၃၆ မိနစ်တွင် စစ်ကောင်စီတပ်က လေကြောင်းမှ ဗုံးကြဲခြင်းဖြစ်ပြီး ကျောင်းသူ၊ကျောင်းသား (၂၂) ဦးနှင့် ဆရာမ (၂) ဦးတို့ သေဆုံးခဲ့ပြီး ၁၀၀ ကျော်ဒဏ်ရာရရှိခဲ့သည်။
https://www.facebook.com/LuduNwayOo/videos/556306833897971
Public Service Announcement
စစ်ကောင်စီက လေကြောင်းတိုက်ခိုက်မှုကိုငြင်းဆန်ပြီး ၊စစ်တပ်ဝါဒဖြန့် မီဒီယာများ၊စစ်တပ်ဝါဒဖြန့် တယ်လီဂရန်ချန်နယ်များက သတင်းအမှားမျိုးစုံထုတ်လွှင့်ပြီး သတင်းကိုပုံဖျကိရန်ကြိုးစားနေသည်။သို့သော် ကုလမဂ္ဂ အပါအဝင် နိုင်ငံတကာက ၊ နိုင်ငံတကာမီဒီယာများက စစ်တပ်၏ စာသင်ကျောင်းဗုံးကြဲမှုကိုမှတ်တမ်းတင်ပြီးဖြစ်သည်။
အဆိုပါ လေကြောင်းတိုက်ခိုက်မှုကို ကျူးလွန်သူ၊ စေခိုင်းသူ၊ အားပေးသူ၊ ပုံဖျက်သူ မည်သူကိုမဆိုရန်သူအဖြစ် ပြတ်ပြတ်သားသား သတ်မှတ်သွားမည်ဖြစ်ပြီး ထိရောက်စွာအရေးယူနိုင်ရေး ကြိုးစားသွားမည်ဟု အမျိုးသားညီညွတ်ရေးအစိုးရ(NUG) ကာကွယ်ရေးဝန်ကြီးဌာန၊ ရွှေဘိုခရိုင်အမှတ် (၁၂) တပ်ရင်းက သတင်းထုတ်ပြန်သည်။
အဆိုပါ စာသင်ကျောင်းအတွင်းနှင့်အနီးအနားပတ်ဝန်းကျင်တွင် မည်သည့် လက်နက်ကိုင်တပ်၊ အဖွဲ့မျှ အခြေချနေထိုင်ခြင်းမရှိသလို တိုက်ပွဲလည်း ဖြစ်ပွားခြင်းမရှိဘဲ စာသင်ကြားနေသော ကလေးငယ်များကို ရည်ရွယ်ချက်ရှိရှိ ဦးတည်တိုက်ခိုက်ခြင်းဖြစ်ကြောင်း ရွှေဘိုခရိုင်အမှတ် (၁၂) တပ်ရင်း၏ မေလ ၁၃ရက် နံနက်ပိုင်းသတင်းထုတ်ပြန်ချက်တွင်ဖော်ပြထားသည်။
အိုးထိန်းတွင်းရွာစာသင်ကျောင်း ဗုံးကြဲခံရမှုသည် ”မေ့ပျောက်ခွင့်လွှတ်ခြင်းအလျဥ်းမရှိစေရ” ဟု သစ္စာအဓိဌာန်ပြုကြောင်းစစ်ကိုင်းဖိုရမ်က ကြေညာချက် ထုတ်ပြန်ထားသည်။
စစ်ကောင်စီကို အရေးယူပေးရန် အမျိုးသားညီညွတ်ရေးအစိုးရကလည်း နိုင်ငံတကာသို့ တိုက်တွန်းထားသည်။
