ဇွန် – ၁၅ ၊၂၀၂၅ ၊ ဆိုင်းမင်း/People’s Spring
မန္တလေးတိုင်း ၊ မိတ္ထီလာမြို့နယ်အတွင်း သုံးတန်း မိန်းကလေးငယ်ကို သတ်ဖြတ်ပြီး အလောင်းစွန့်ပစ်တဲ့အမှုမှာ အိမ်နီးချင်းလင်မယား ကို ဖမ်းဆီးထားတယ်လို့ စစ်ကောင်စီက သတင်းထုတ်ပြန်ပါတယ်။
အဲဒီဖြစ်စဉ်ဟာ မတ္ထီလာမြို့နယ် ၊ ဒဟတ္တန်း ကျေးရွာမှာ အခုလ ဇွန်လ ၇ ရက်က ဖြစ်ပွားခဲ့တာပါ။
ဇွန်လ ၇ ရက်မှာ သုံးတန်းကျောင်းသူ အသက် ခုနှစ်နှစ်အရွယ် မနှင်းရတီ ကျုရှင်အသွား လမ်းမှာပျောက်သွားတာကြောင့် ရှာဖွေရာ ငါးရက်အကြာမှာတော့ ပီနံအိတ်နဲ့ ထုတ်ထားတဲ့ ရုပ်အလောင်းကို ရွာသုသာန် အနီးမှာ ပြန်လည်တွေ့ရှိခဲ့ပါတယ်။
Public Service Announcement
စစ်ကောင်စီက ဒီအမှုမှာ သတ်ဖြတ်သူတွေဟာ ကလေးငယ် နဲ့ အိမ်နီးချင်း တွေဖြစ်တဲ့ ကို စိုးမင်းအောင်နဲ့ မလင်းဇာနည်ဇော် တို့ လင်မယားနှစ်ဦး ဖြစ်တယ်လို့ဆိုထားပါတယ်။
အဲဒီလင်မယားဟာ ဈေးဖိုးမရှိတဲ့အတွက် ကလေးကို အိမ်ခေါ်ပြီး နားကပ်တောင်းရာ မပေးတာကြောင့် ပါးစပ်ပိတ်၊ လည်ပင်းညှစ်ရာမှာ ကလေး သေဆုံးသွားပြီး အလောင်းကိုတော့ ဆာလာအိတ်နဲ့ထုပ်ကာ လင်မယားနှစ်ယောက်လုံး ရွာ သုသာန်မှာ စွန့်ပစ်ခဲ့တာလို့ ရဲမှတ်တမ်းမှာဖော်ပြထားပါတယ်။
စွန့်ပစ်ထားတဲ့ရုပ်အလောင်းကို ရှာတွေ့ပြီး နောက်ရက်မှာ အိမ်နီးချင်း လင်မယားကို ဖမ်းမိသလို ကလေးငယ်ရဲ့ နားကပ်ကို မိတ္ထီလာ ဈေးက ရွှေဆိုင်မှာ သွားရောင်းထားတာကို သိမ်းဆည်းရမိတယ်လို့ စစ်ကောင်စီက ဆိုပါတယ်။
အခုတော့ ဖမ်းထားသူ လင်မယားကို လူသတ်မှု ၊ ပစ္စည်းလုယက်မှုတို့နဲ့ မိတ္ထီလာမြို့မရဲစခန်းမှာ အမှုဖွင့်ဖမ်းဆီးထားတယ်လို့သိရပါတယ်။
