ဇွန်-၁၇၊၂၀၂၅။ထားမြတ်/People’s Spring
ကချင်ပြည်နယ်၊ ဖားကန့်မြို့နယ်၊ မှော်စီစာရွာအနီး ယနေ့တိုက်ပွဲဖြစ်ပွာနေရာ စစ်ကောင်စီတပ်ဘက်က သေဆုံးထိခိုက်များခဲ့ပြီးသေဆုံးသူများထဲ၌ အရာရှိ အချို့ ပါဝင်သည်ဟု ကချင်ဒေသ သတင်းရင်းမြစ်ကပြောသည်။
ဇွန် ၁၇ ရက်မနက်ပိုင်းတွင်မှော်စီစာရွာအနီးရှိဘုရားကုန်း၌ဖြစ်ပွားသော တိုက်ပွဲတွင်စစ်ကောင်စီတပ်က အထိနာခဲ့သည်ဟုသိရသည်။
“လုံးခင်းတိုက်နယ်ကံဆီးဗျူဟာကုန်းကဂျီတူးအဆင့် ဗိုလ်မှူးအဆင့်နဲ့ တပ်သား ၃၀ လောက်ဒီကောင်တွေထိခိုက်ကျဆုံးတယ်။ဒီနေ့တိုက်ပွဲမှာ။ “ ဟု ကချင်သတင်းရင်းမြစ်က ပြောသည်။
Public Service Announcement
စစ်ကောင်စီဘက်က အထိနာ၍လုံးခင်း၊ မှော်စီစာ ၊ ကဋေကျေးရွာများ လေယာဉ် အန္တရာယ် ဂရုစိုက်ရန် ဒေသခံအချို့ကအချင်းချင်း လူမှုကွန်ရက်၌ရေးသားသတိပေးမှုများလည်း ရှိသည်။
စစ်ကောင်စီဘက်က အရာရှိ အပါအဝင် သေဆုံးမှုများ၍ ပြည်သူ့နေအိမ်များကို မဲလာနိုင်သည်ဟု သတိပေးထားသည်။
ထို့ပြင်စစ်ကောင်စီတပ်၏လက်နက်ကြီးကြောင့် ကလေးငယ်အပါအဝင်ပြည်သူထိခိုက်မှုရှိခဲ့သည်ဟုလည်း သတင်းရင်းမြစ်က ပြောသည်။
“မှော်စီစာ ဘုရားကုန်းမှာစစ်ကောင်စီတပ်က နောက်ထပ် စစ်ကြောင်းထိုးပြီး ဝင်လာတဲ့အသစ်တွေ။သူတို့က ရမ်းသန်းပြီးပစ်နေတာ။ ရမ်းသန်းပစ်တော့ ဒီဘက်(KIA ပူးပေါင်းတပ်)ကလည်း စောင့်ကြည့်ပြီး လှုပ်ရှားမှုကို ကြည့်ရင်း တိုက်ပွဲဖြစ်လာတာ” ဟု သတင်းရင်းမြစ်က ပြောသည်။
ဖားကန့် ဗျူဟာကုန်းရှိစစ်တပ်ကလည်း ပြည်သူရှိရာကို လက်နက်ကြီးများဖြင့် ရမ်းသန်း ပစ်ခတ်နေ၍ ပြည်သူနေအိမ်များထိမှန်ကာပြည်သူအချို့ ထိခိုက်ဒဏ်ရာရရှိခဲ့ခြင်းဖြစ်သည်ဟုပြောသည်။
တိုက်ပွဲမှာ ဇွန် ၁၇ ရက် နေ့ခင်းပိုင်းအထိရှိနေသည်ဟုလည်းသတင်းရင်းမြစ်ကပြောသည်။
(ဖားကန့် ၊မှောစီစာရွာအနီး ဇွန် ၁၇ ရက်ကတိုက်ပွဲဖြစ်ပွားစဥ်။ရုပ်သံ-ပေးပို့ )
