ဇွန်-၁၉၊၂၀၂၅။ သုည/People’s Spring
ရန်ကုန်မြို့ ကမ္ဘာအေးဘုရားလမ်းပေါ်ရှိ ကမ္ဘာအေးဘုရားနှင့် ဂမုန်းပွင့်ကုန်တိုက် လူကူးဂုံးကျော်တံတားတွင် ဒေါ်အောင်ဆန်းစုကြည်၏ အသက် ၈၀ ပြည့် မွေးနေ့ အထိမ်းအမှတ်အဖြစ် “၈၀ ချစ်တယ်”ဆိုသော စာတန်းကို ယနေ့ (ဇွန် ၁၉) နေ့လည်က ချိတ်ဆွဲခဲ့သည်။
အဆိုပါစာသားချိတ်ဆွဲ လှုပ်ရှားမှုကို ရန်ကုန်ပစ်တိုင်းထောင်သပိတ်အဖွဲ့က ဦးဆောင်ပြုလုပ်ခဲ့ခြင်း ဖြစ်သည်။
ယနေ့ ကျရောက်သော ဒေါ်အောင်ဆန်းစုကြည် အသက် ၈၀ ပြည့် မွေးနေ့တွင် စစ်ကောင်စီက လုံခြုံရေးများ တင်းတင်းကျပ်ကျပ်ချထားပြီး ဘုရားများတွင်လည်း လူထုခေါင်းဆောင်၏ မွေးနေ့ဆုတောင်းပွဲများ မပြုလုပ်နိုင်စေရန် အရပ်ဝတ်နှင့်ပျူစောထီးများကို နေရာချထားကြောင်း ကင်းထောက်အဖွဲ့များက ဆိုသည်။
Public Service Announcement
လူထုခေါင်းဆောင် ဒေါ်အောင်ဆန်းစုကြည်၏ မွေးနေ့တွင် နိုင်ငံတဝန်းရှိ ပြည်သူများက မွေးနေ့ရှင် ကျန်းမာပါစေကြောင်း ဆုတောင်းမေတ္တာပို့သပြီး ဇွန် ၁၉ ပန်းသပိတ်ကိုလည်း နည်းလမ်းမျိုးစုံဖြင့် ပါဝင်ဆင်နွှဲနေကြသည်။
