ဇွန်-၃၀၊ ၂၀၂၅။ ရှိန်း/People’s Spring
စစ်ကိုင်းတိုင်း၊ ကန့်ဘလူမြို့နယ် ဇီးကုန်းမြို့အနီးကို ပတ်လည်စစ်ကြောင်းထိုးနေတဲ့ စစ်ကောင်စီနဲ့ ပျူစောထီးအုပ်စုက လေးရက်အတွင်း စုစုပေါင်း ဒေသခံ ၁၁ဦးကို သတ်ဖြတ်ထားတယ်လို့ ဒေသခံတွေက ပြောပါတယ်။
ပြီးခဲ့တဲ့ ဇွန်လ၂၃ ရက်ကစလို့ ကန့်ဘလူမြို့နယ် ဇီးကုန်းမြို့အနီး သပြေသာ၊ ဖိုကုန်း၊ ကျောင်းကုန်းရွာတွေကို အင်အား ၁၀၀ကျော်နဲ့ စစ်အုပ်စုက စစ်ကြောင်းထိုးခဲ့တာလို့ သိရပါတယ်။
လေးရက်အတွင်း အသက် ၃၀ ကနေ ၅၀ အရွယ်တွေဖြစ်တဲ့ သပြေသာရွာက အမျိုးသား ၅ဦး၊ ကျောင်းကုန်းရွာက အမျိုးသား ၃ဦး၊ဖိုလ်ကုန်းရွာက ၁ဦးနဲ့ နောက်ထပ်အမည်အသိ အမျိုးသားတဦးတို့ သတ်ဖြတ်ခံခဲ့ရတာလို့ ဒေသတွင်းအခြေအနေတွေ ဖော်ပြနေတဲ့ Infinity Groupက ထုတ်ပြန်ထားပါတယ်။
Public Service Announcement
“သင်တန်းဆင်းတွေကို စစ်ကြောင်းထိုးခိုင်းနေတာ။ ဇီးကုန်းမြို့နားမှာ တိုက်ပွဲလည်းဖြစ်တယ်”လို့ တော်လှန်ရေးတပ်ဖွဲ့ဝင်တစ်ဦးက ပြောပါတယ်။
ဒါ့အပြင် ကန့်ဘလူမြို့ပတ်လည်မှာလည်း သင်္ကန်းဝတ် ပျူစောထီးခေါင်းဆောင် ဝါသဝစစ်ကြာင်းက စစ်ကြောင်းထိုးတာတွေ ရှိတယ်လို့ ဒေသတွင်းသတင်းရင်းမြစ်တွေက ပြောပါတယ်။
စစ်ကောင်စီကလည်း ဇွန်လ ၂၃ ရက်က ကန့်ဘလူမြို့နယ်မှာ ပျူစောထီးတွေ သင်တန်းဆင်းတဲ့ အကြောင်းဖော်ပြထားပါတယ်။
