ဇူလိုင်-၁၆၊၂၀၂၅။ရဲခေါင်/People’s Spring
နေ့စဥ်နှင့်အမျှ လေကြောင်းတိုက်ခိုက်မှုဖြင့် အရပ် သားများအား သတ်ဖြတ်နေသည့် စစ်ကောင်စီကို အရေးယူပိတ်ဆို့မှုများ ချက်ချင်းချမှတ်ပေးရန် နိုင်ငံတကာအသိုက်အဝန်းကို ကရင်နီလူ့အခွင့်အရေးအဖွဲ့ KnHRG က ယနေ့ (ဇူလိုင် ၁၆ ရက်) တောင်းဆိုသည်။
စစ်တပ်၏ ပြည်သူများကိုပစ်မှတ်ထားသော လေ ကြောင်းတိုက်ခိုက်မှုများသည် ဇူလိုင်လအတွင်း ကရင်နီပြည်နယ်၌ပင် ခြောက်ကြိမ်ရှိခဲ့ပြီး ၁၅ ဦး သေဆုံးကာ ၁၈ ဦးဒဏ်ရာရပြီး အဆောက်အအုံ ၁၃ လုံးဖျက်ဆီးခံခဲ့ရသည်ဟုဖော်ပြထားသည်။
ကရင်နီပြည်တွင် စစ်ကောင်စီက ဇူလိုင်လတွင်ဗုံးကြဲ၍ သေဆုံးခဲ့သူအချို့၏ရုပ်အလောင်းများနှင့် အပျက်အစီးများ ။ဓါတ်ပုံ- CTER-Karenni ကရင်နီပြည်တွင် စစ်ကောင်စီက ဇူလိုင်လတွင်ဗုံးကြဲ၍ သေဆုံးခဲ့သူအချို့၏ရုပ်အလောင်းများနှင့် အပျက်အစီးများ ။ဓါတ်ပုံ- CTER-Karenni ကရင်နီပြည်တွင် စစ်ကောင်စီက ဇူလိုင်လတွင်ဗုံးကြဲ၍ သေဆုံးခဲ့သူအချို့၏ရုပ်အလောင်းများနှင့် အပျက်အစီးများ ။ဓါတ်ပုံ- CTER-Karenni
“လူသားမျိုးနွယ်စုပေါ်ကျူးလွန်တဲ့ စစ်ကောင်စီကို နိုင်ငံတကာရာဇဝတ်ခုံရုံး (ICC) မှာ တရားကြောင်းအရတင်ပေးဖို့တောင်းဆိုတယ်”ဟုKnHRG၏တာဝန်ရှိသူက ပြောသည်။
Public Service Announcement
လေကြောင်းမှ တိုက်ခိုက်မှုများ နှင့် စစ်ကောင်စီ၏ တိုက်ခိုက်မှုများကြောင့်အရပ်သားများဒုက္ခရောက်နေပြီဖြစ်သောကြောင့်နိုင်ငံတကာအသိုက် အဝန်း၏အရေးတကြီးတုံ့ပြန်မှုလိုအပ်နေကြောင်းလည်း အသိပေးသည်။
မြန်မာနိုင်ငံသို့ လေကြောင်း လောင်စာဆီ စီးဆင်းမှုကို ရပ်တန့်ရန်နှင့် ပိတ်ဆို့အရေးယူမှုများ ချမှတ်ရန် လက်နက်ရောင်းချမှု ပိတ်ဆို့ပေးရန် KnHRG က တိုက်တွန်း သည်။
စစ်တပ်အာဏာသိမ်းပြီးချိန်ကစ၍ လေးနှစ်ကျော်အတွင်း လေကြောင်းတိုက်ခိုက်မှုပေါင်း ၃၀၀၀ ကျော်ပြုလုပ်ခဲ့ပြီး ကလေးငယ်နှင့်အမျိုးသမီးများ အပါအဝင်အရပ်သားသေဆုံးမှု ၂၀၀၀ ခန့်ရှိနေပြီ ဟုလည်း ဖော်ပြသည်။
စစ်ကောင်စီ၏ လေကြောင် တိုက်ခိုက်မှုများသည် ဆက်လက်ပြုလုပ်နေပြီး ပြည်တွင်းနေရပ်စွန့်ခွာသူများ နှင့် ပဋိပက္ခဒဏ်ခံရပ်ရွာများသည်အချိန်မရွေးအန္တရာယ်ကိုရင်ဆိုင်နေရကြောင်းဖော်ပြ သည်။
နိုင်ငံတကာအသိုင်းအဝန်း၏စစ်ကောင်စီအပေါ် အရေးယူတုံ့ပြန်ဆောင်ရွက်မှုအားနည်းခြင်းကြောင့် မြန်မာပြည်သူများ၏ စိတ်ဒဏ်ရာများ ပိုမိုဆိုးရွားလာကြောင်းလည်း KnHRG က အသိပေးသည်။
ယခုနှစ်အတွင်းကရင်နီပြည်နယ်၌ကလေးငယ်များအပါအဝင် ပြည်သူ ၁၀၀ နီးပါးကို စစ်ကောင်စီက သတ်ဖြတ်ခဲ့ပြီး လူမျိုးသုန်းသတ်ဖြတ်မှုအထိ ပစ်မှတ်ထားနေကြောင်း ကရင်နီပြည်နယ်ကြား ကာ လအုပ်ချုပ်ရေးကောင်စီ IEC သည် ဇူလိုင် ၉ ရက်က ထုတ်ပြန်ထားသည်။
ယခုရက်ပိုင်းအတွင်းစစ်ကိုင်းမြို့နယ်၊ဝက်လက်မြို့နယ်၊မြိုင်မြို့နယ်၊မိုးကုတ်၊သပိတ်ကျင်း၊မတ္တရာ၊ကျောက်မဲ၊ဘီးလင်း နှင့် မောတောင် မြို့နယ်တို့ကို စစ်ကောင်စီ၏ လေကြောင်း တိုက်ခိုက်မှုကြောင့် အရပ်သားပြည်သူ ၅၀ ခန့်သေဆုံးခဲ့သည်။
