စစ်ကောင်စီကသဲကုန်းမြို့နယ်‌ရှိ ကျေးရွာများကို တိုက်ပွဲမဖြစ်ဘဲမီးလိုက်ရှို့ ပြီး ပစ္စည်း​များခိုးယူ

ဩဂုတ်-၁၄၊၂၀၂၅။တေဇ/People’s Spring

ပဲခူးတိုင်း သဲကုန်းမြို့နယ်အနီးပတ်ဝန်းကျင်မှ ကျေးရွာများကို စစ်ကောင်စီတပ်က မီးရှို့ဖျက်ဆီးမှုများဆက်တိုက်ပြုလုပ်ကာ ပြည်သူများပိုင်ဆိုင်သည့် ပစ္စည်းများကို ခိုးယူနေကြောင်း ဒေသခံများကပြောသည်။

“တိုက်ပွဲဖြစ်တာလည်းမရှိပါဘူး။ရုံးပင်တတ်၊ ကြက်တိုက် ၊ဘိုကုန်းမှာ အိမ်တွေကို မီးရှို့သွားတယ်။ တချို့အိမ်တွေဆို လူမရှိရင် မီးရှို့မယ်ဆိုလို့ ကြောက်ကြောက်နဲ့ အိမ်စောင့်နေကြရတာ။” ဟု ဒေသခံတစ်ဦးကပြောသည်။

စစ်တပ်စစ်​ကြောင်းများသည် ကျေးရွာများသို့ဝင်ရောက်ရာတွင် အဖွဲ့များခွဲ၍ မီးရှို့သည့် အဖွဲ့က မီးရှို့ကာ အခြားတစ်ဖွဲ့က ပြည်သူများ၏ ပစ္စည်းများကို ခိုးယူမှုများပြုလုပ်သည်ဟု ဒေသခံများကဆိုသည်။

Public Service Announcement

“ဆိုင်ကယ်တွေဆို ကလစ်ဘီးတွေ ၊ ဖောကားတွေနဲ့ကို တင်ပြီးယူသွားတာ။ ဖောကားနှစ်စီးစာမကဘူး” ဟု မျက်မြင်တွေ့ရသည့် ဒေသခံတစ်ဦးကပြောသည်။

စစ်ကောင်စီတပ်သည် ပြီးခဲ့သည့်ရက်ကလည်း အထက်ပါကျေးရွာများအပါအဝင် ယင်းနေရာအနီးအနားမှ ကျေးရွာများကိုလက်နက်ကြီးများဖြင့် ပစ်ခတ်ခဲ့​သေးသည်ဟု ဒေသခံများက​ပြောသည်။