စက်တင်ဘာ-၃၊ ၂၀၂၅။People’s Spring
မတ္တရာမြို့နယ်၊ ဆည်တော်ကြီးဓါတ်အားပေးစက်ရုံကို စစ်ကောင်စီတပ်က ဒီကနေ့ လေ ကြောင်းကနေဗုံးကြဲလို့ ထရန်စဖော်မာ ၃ လုံးပျက်စီးခဲ့တယ်လို့ပြည်သူ့ကာကွယ်ရေးတပ်မတော် (မန္တလေး)က သတင်းထုတ်ပြန်ပါတယ်။
ဆည်တော်ကြီး ဓာတ်အားပေးစက်ရုံကို စစ်တပ်က လေကြောင်းတိုက်ခိုက်ပြီးနောက် တွေ့ရစဥ်။ ဓာတ်ပုံ-MDY PDF ဆည်တော်ကြီး ဓာတ်အားပေးစက်ရုံကို စစ်တပ်က လေကြောင်းတိုက်ခိုက်ပြီးနောက် တွေ့ရစဥ်။ ဓာတ်ပုံ-MDY PDF ဆည်တော်ကြီး ဓာတ်အားပေးစက်ရုံကို စစ်တပ်က လေကြောင်းတိုက်ခိုက်ပြီးနောက် တွေ့ရစဥ်။ ဓာတ်ပုံ-MDY PDF ဆည်တော်ကြီး ဓာတ်အားပေးစက်ရုံကို စစ်တပ်က လေကြောင်းတိုက်ခိုက်ပြီးနောက် တွေ့ရစဥ်။ ဓာတ်ပုံ-MDY PDF
စက်တင်ဘာ(၃) ရက် ၊မွန်းလွဲ(၂)နာရီခန့်ကမတ္တရာမြို့နယ်ရှိ ဆည်တော်ကြီး ဓာတ်အားပေးစက်ရုံကို စစ်ကောင်စီတပ်က Y-12လေယာဉ် နဲ့ ဆူဆိုက်ဒရုန်းတွေနဲ့ပါ အကြောင်းမဲ့ လေကြောင်းတိုက်ခိုက်ခဲ့ကြောင်း မန္တလေး PDF ကဖော်ပြပါတယ်။
အဲဒီလေကြောင်းတိုက်ခိုက်မှုအတွင်း Y-12 နဲ့ ဗုံးအလုံးရေ (၅၀)ခန့် ကြဲချပြီးဗုံးတချို့ဟာ ဆည်တော်ကြီး တာတမံအနီးတစ်ဝိုက်ကို ကျရောက်
Public Service Announcement
ပေါက်ကွဲခဲ့ကြောင်း၊ ဗုံးတချို့ကတော့ ဆည်တော်ကြီး ဓာတ်အားပေးစက်ရုံအတွင်း ကျရောက်ပေါက်ကွဲခဲ့ကာ ထရန်စဖော်မာ(၃)လုံး ပျက်စီးဆုံးရှုံးခဲ့ကြောင်း မန္တလေး PDFက ထပ်ံမံအသိပေးပါတယ်။
ဆည်တော်ကြီး ဓာတ်အားပေးစက်ရုံဟာ ပုသိမ်ကြီးမြို့နယ် ၊ မတ္တရာမြို့နယ် ၊ စဉ့်ကူးမြို့နယ်နဲ့ သပိတ်ကျင်းမြို့နယ်တို့အတွက် လျှပ်စစ်မီးရဖို့ အဓိကကျတဲ့ ဓာတ်အားပေးစက်ရုံတစ်ခု ဖြစ်ကြောင်း ပြည်သူ့ကာကွယ်ရေးတပ်မတော် (မန္တလေး)က ထုတ်ပြန်ထားပါတယ်။
မတ္တရာမြို့နယ်အရှေ့ခြမ်းမှာရှိတဲ့ ဆည်တော်ကြီးကစစ်တပ်စခန်းတွေကို မန္တလေးPDF နဲ့ ပူးပေါင်းတပ်တွေက ၁၀၂၇ စစ်ဆင်ရေး ဒုတိယလှိုင်း (ရှမ်းမန်းစစ်ဆင်ရေး) မှာကတည်းကသိမ်းပိုက်ထိန်းချုပ်ထားတာဖြစ်ပါတယ်။ မန္တလေး PDF နဲ့ တော်လှန်ရေးတပ်တွေက ရှမ်းမန်းစစ်ဆင်ရေးအတွင်း စဥ့်ကူးတစ်မြို့နယ်လုံးနဲ့ မတ္တရာမြို့နယ် အရှေ့ခြမ်းကစစ်တပ် စခန်း ၄၀ ခန့်ကို သိမ်းပိုက်ခဲ့တာဖြစ်ပါတယ်။
