အောက်တိုဘာ-၁၀ရက်၊၂၀၂၅။ဇေအောင်/People’s Spring
စစ်ကိုင်းတိုင်း၊ မုံရွာ-မန္တလေးလမ်းပိုင်းမှာစစ်တပ်က ကင်းပုန်းတွေချထားပြီး ရမ်းသမ်းပစ်ခတ်မှုတွေပြုလုပ်နေကြောင်းဒေသခံတွေကပြောပါတယ်။
ဒီကနေ့မနက်ပိုင်းကမုံရွာ-မန္တလေးလမ်းပေါ်မှာစစ်ကောင်စီတပ်ကကင်းပုန်းတွေနေရာအနှံ့ချထားကြောင်း၊နတ်ရေကန်ရွာအနီးမှာလည်း လမ်းပိတ်ထားပြီး ရေပိုးစားရွာနားမှာတော့ ရမ်းသမ်းပစ်ခတ်မှုတွေရှိနေတယ်လို့ ဒေသခံတွေက ပြောပါတယ်။
“မုံရွာ-မန္တလေးလမ်းက ဒီနေ့ အခြေအနေမကောင်းဘူး။ လမ်းကြောင်းရှိပုံရတယ်။”လို့ ဒေသခံတဦးက ပြောပါတယ်။
Public Service Announcement
ဒါ့အပြင် မုံရွာမြို့ထဲကနေလည်း မိုင်းဖျက်တဲ့ဂျန်မာကားတွေထွက်လာကြောင်းဒေသခံတွေက ပြောပါတယ်။ ခရီးသွားပြည်သူတွေအနေနဲ့ လမ်းပိုင်းသတင်းနားစွင့်ပြီး အန္တရာယ်ကင်းပြီဆိုမှ သွားလာအသုံးပြုကြဖို့ ဒေသခံတွေက အကြံပြုပါတယ်။
ယခုရက်ပိုင်းအတွင်းစစ်အုပ်စုကမုံရွာ-မန္တလေးခရီးသွားယာဥ်တွေကို တိုက်ပွဲဖြစ်ပွားခြင်းမရှိဘဲ ထိန်းလွှတ်နေလို့ ခရီးလမ်းပိုင်း ကြန့်ကြာတာတွေ ဖြစ်ပွားနေကြောင်း ခရီးသွားတွေက ပြောပါတယ်။
စစ်ကောင်စီတပ်ဟာမုံရွာ-မန္တလေးလမ်းပေါ်မှာ မကြာခဏ တိုက်ခိုက်ခံနေရတာကြောင့် ခရီးသွားပြည်သူတွေရဲ့ကားကို ရှေ့ကနေမောင်းခိုင်းတာ၊ မိုင်းရှင်းခိုင်းတာတွေ ပြုလုပ်နေတယ်လို့ သိရပါတယ်။
