ဒီဇင်ဘာ-၈၊၂၀၂၅။တေဇ/People’s Spring
စစ်ကောင်စီရဲ့ ရွေးကောက်ပွဲကို ဆန့်ကျင်ကြောင်း ဆန္ဒမဲပေးနိုင်တဲ့ ဝက်ဆိုက်ဒ်မှာ လေးရက်အတွင်း မဲတစ်သန်းကျော်ရရှိထားပါတယ်။
စစ်ကောင်စီရဲ့ရွေးကောက်ပွဲကို ဆန့်ကျင်ကြောင်း ဆန္ဒမဲပေးနိုင်မယ့် https://mm-sham-elections.vercel.app ကို ဒီဇင်ဘာ ၄ ရက်မှာ စတင်ခဲ့တာဖြစ်ပြီး ဒီဇင်ဘာ၇ ရက်ညမှာတော့ ဆန္ဒမဲပေးသူ တစ်သန်းကျော်ရှိတာကို တွေ့ရပါတယ်။
ဝက်ဆိုက်ဒ်မှာ ဆန္ဒမဲပေးသူတွေနဲ့ပတ်သက်တဲ့ အချက်အလက်တွေကို လုံခြုံစွာပါဝင်နိုင်တယ်လို့ အသိပေးထားပြီး ရွေးကောက်ပွဲနဲ့ပတ်သက်တဲ့ အမြင်တွေကိုလည်း ရေးသားနိုင်ကြောင်း အသိပေးထားပါတယ်။
Public Service Announcement
ဒီဝက်ဆိုက်ဒ်ကို နယ်စပ်အခြေစိုက် တော်လှန်ရေး အင်အားစုမှ ရဲဘော်ကျော်ကြီးက လုပ်ဆောင်ထားတယ်လို့သိရပါတယ်။
“စစ်တပ်ဘက်က ဝက်ဆိုက်ကို ဟက်လို့မရလို့ ကွန်းမန့်မှာ ဘော့တ်တွေနဲ့ ဝင်ရေးပြီး ဒီဝက်ဆိုက်ကို တိုက်ခိုက်နေပါတယ်။ ပြည်သူတွေသိအောင် များများပြောပေးကြပါ။ ပြည်သူများဝန်းရံပေးကြပါ”လို့ ဝက်ဆိုက်ဒ်တည်ထောင်သူ က မေတ္တာရပ်ခံထားပါတယ်။
စစ်တပ်ထောက်ခံသူတချို့က ဒီဝက်ဆိုက်ဒ်ရဲ့လင့်ခ်ကိုယူပြီး ကျားဖြန့်လင့်ဖြစ်ကြောင်း လိမ်လည်ရေးသားဖြန့်ချီနေတာကိုလည်းတွေ့ရပါတယ်။
ဒီလှုပ်ရှားမှုကို ဦးဆောင်ပြီးလုပ်နေတဲ့ ရဲဘော်ကျော်ကြီးက ဒီဇင်ဘာ၁၀ ရက်မှာပြုလုပ်မယ့်အသံတိတ်သပိတ် မတိုင်ခင် ဆန္ဒမဲပေါင်း တစ်သန်းခွဲကျော်ချင်တယ်လို့မီဒီယာတွေမှာဖြေကြားထားပါတယ်။
ဒီဝက်ဆိုက်ဒ်ကို ဖုန်း ၊ ကွန်ပြူတာတစ်လုံး တစ်ကြိမ်သာ ၀င်ရောက်မဲပေးနိုင်မှာဖြစ်ပြီး မဲအရေအတွက်ကို နိုင်ငံတကာအသိုင်းအဝိုင်းသိရှိအောင် လုပ်ဆောင်မယ်လို့လည်း ပြောကြားထားပါတယ်။
