ဇန်နဝါရီ ၂၇၊ ၂၀၂၆။မေရီ/People’s Spring
မန္တလေးတိုင်း၊ မလှိုင်မြို့နယ်ကနေ မဲရုံစောင့် စစ်သားတွေ မိတ္ထီလာမြို့ကတပ်ရင်းအပြန် လက်နက်ကြီးတွေနဲ့ ရမ်းသမ်းပစ်ခဲ့လို့ ထိတ်လန့်ခဲ့ရကြောင်း ဒေသခံတွေက ပြောပါတယ်။
ဒီကနေ့ ဇန်နဝါရီ ၂၇ ရက် မနက်ပိုင်းက မလှိုင်မြို့နယ်ကနေ မဲရုံစောင့် စစ်သားတွေ မိတ္ထီလာမြို့ကို ခြေလျင်ပြန်လာချိန် မိတ္ထီလာမြို့ တောင်ပုလု စက်ပစ်ကွင်းကနေ စစ်တပ်က လက်နက်ကြီးတွေနဲ့ ပစ်ခတ်ခဲ့ပြီး မလှိုင်မြို့နယ်အထိ ပေါက်ကွဲသံများကြားရလို့ ပြည်သူတွေ ထိတ်လန့်ခဲ့ကြောင်း ဒေသခံတွေက ပြောပါတယ်။
“အခုမနက်က စက်ပစ်ကွင်းက အသံပေးနေတာပါ။ မဲရုံစောင့် စခတွေက ခြေလျင်မနက်အစောကတည်းက ထီလာပြန်ကြတာ။ အသံပေးခြောက်လှန့်တဲ့သဘောဖြစ်မယ်”လို့ လူထုသတင်းကွန်ရက်-မလှိုင်မြို့ရဲ့ တာဝန်ရှိသူက ပြောပါတယ်။
Public Service Announcement
အလားတူ နွားထိုးကြီးမြို့ဘက်က စစ်တပ်ကလည်း လွန်ခဲ့တဲ့ ၃ ရက်လောက်ကတည်းက လက်နက်ကြီးနဲ့ နေ့ရောညပါ ပစ်ခတ်နေပြီး တောင်သာမြို့နယ် အရှေ့တောင်ခြမ်းနဲ့ နွားထိုးကြီးမြို့နယ် တောင်ခြမ်းတွေကို လက်နက်ကြီးကျည်တွေ ကျရောက်ကြောင်း ဒေသခံတွေက ပြောပါတယ်။
နွားထိုးကြီးမြို့နယ်က ပစ်ခတ်လိုက်တဲ့ လက်နက်ကြီးကျည်တွေဟာ မလှိုင်မြို့နယ်မြောက်ခြမ်းက ကျေးရွာတွေပေါ် ကျရောက်နိုင်တာကြောင့် ပြည်သူတွေအနေနဲ့ သတိပြုနေထိုင်ကြဖို့ လူထုသတင်းကွန်ရက်-မလှိုင်မြို့က သတိပေးထားပါတယ်။
