ဖေဖော်ဝါရီ-၁၃၊၂၀၂၆။သတိုး/People’s Spring
ထိုင်းနိုင်ငံမှာ အလုပ်ပါမစ်(Work Permit) ကိုင်ဆောင်ထားတဲ့ မြန်မာလုပ်သားတွေကို ဖေဖော်ဝါရီ ၁၇ရက်ကစတင်ပြီး မည်သူမည်ဝါဖြစ်ကြောင်းသက်သေခံလက်မှတ်(CI) ထုတ်ပေးတဲ့ လုပ်ငန်းစဉ်တွေဆောင်ရွက်ပေးမယ်လို့ စစ်ကောင်စီလက်အောက်ခံ ဘန်ကောက်မြို့ကမြန်မာသံရုံးက ထုတ်ပြန်ထားပါတယ်။
စမွတ်ဆာခွန်း၊ စမွတ်ပရာကန် ၊ ဆူရတ်ဌာနီ ၊ ချင်းမိုင်နဲ့ ချွန်ဘူရီတို့မှာ CIထုတ်ပေးမယ့်လုပ်ငန်းစဉ်ကို လုပ်ဆောင်ပေးသွားမှာလို့ ထုတ်ပြန်ထားပါတယ်။
CI လျှောက်ထားလိုသူတွေအနေနဲ့ နီးစပ်ရာ 7- Eleven စတိုးဆိုင်တွေမှာ CI စာအုပ်ဖိုးကုန်ကျစရိတ် ဘတ် ၂၆၇၀ ပေးသွင်းပြီး CI လျှောက်ထားလိုတဲ့ စခန်းနာမည်နဲ့ နေ့ရက်တွေကို တစ်ပါတည်းထည့်သွင်းနိုင်တယ်လို့ ဆိုပါတယ်။
Public Service Announcement
“ ဝေါ့ပါမစ်က သက်တမ်းတိုးရ စီအိုင်ကလည်း လုပ်ရပြီဆိုတော့ ပန်းရောင်ဘတ်လူဟောင်းတွေ ငွေကုန်ပြီး အလိမ်မခံရဖို့သတိထားပါ” လို့ ထိုင်းရောက်မြန်မာလုပ်သားအရေး ကူညီဆောင်ရွက် နေတဲ့ အေအေစီကိုရဲမင်းက သူ့ရဲ့ဖေ့စ်ဘွတ်ခ်မှာရေးသားထားပါတယ်။
“ ထိုင်းရောက်မြန်မာအလုပ်သမားတွေရဲ့ ဘဝက ဒီလထဲ သက်တမ်းတိုးတာစလို့ ငွေကုန်ကြေးကြများ CI စာအုပ်ပါ ဒီလ ၁၇ ရက်ကနေ့ စပြီး ဆက်လုပ်ရမယ်ဆိုတော့” လို့ CDMအလုပ်သမားသံအရာရှိ ဦးဝေလင်းမောင်က ရေးသားထားပါတယ်။
