စစ်တပ်ကရခိုင်မှာ စစ်သုံ့ပန်းစစ်သားနဲ့မိသားစုဝင်​တွေကိုဗုံးကြဲသတ်တာ ၂၂၀​ကျော်ပြီ

မတ်-၁၁၊၂၀၂၆။People’s Spring

အာဏာသိမ်းစစ်တပ်က ရခိုင်ပြည်နယ်မှာ စစ်ရှုံးပြီး​တော့ အာက္ခတပ်​တော်(AA)ကဖမ်းဆီးထားတဲ့စစ်တပ်မှဗိုလ်ချုပ်မှတပ်သားအထိ့စစ်သုံ့ပန်း​တွေ၊စစ်သုံ့ပန်း မိသားစုဝင်​တွေ ထားတဲ့​နေရာ​တွေ ၊အကျဥ်းစခန်း​တွေကို ဦးတည်းပစ်မှတ်ထားဗုံးကြဲတာ​ကြောင့် ​သေဆုံးစစ်သားနဲ့ မိသားစုဝင် အနည်းဆုံး၂၂၆ ဦးထိရှိလာပြီဖြစ်ပါတယ် ။ ဒါ့အပြင်အနည်းဆုံး ၉၃ ဦးဒဏ်ရာရခဲ့ပါတယ်။ ဒါက People’s Spring စု​ဆောင်းထားတဲ့အချက်အလက်​တွေအရပဲဖြစ်ပြီး ကျန်ခဲ့တဲ့ဖြစ်ရပ်​တွေလည်းရှိနိုင်ပါ​သေးတယ်။

၂၀၂၄ စက်တင်ဘာ ၉ ရက်မှာ ​ပေါက်​တောမြို့နယ်ရှင်ရွာ ၊ ၂၀၂၄ စက်တင်ဘာ ၉ ရက်မှာပဲ ​မောင်​တောမြို့ ရဲတပ်ရင်း နခခ(၂) ၊ ၂၀၂၅ ဇန်နဝါရီ ၁၈ ​မြောက်ဦးမြို့နယ် ရမ်း​ချောင်းရွာ ၊၂၀၂၅ ဇန်နဝါရီ ၂၀ ​ကျောက်​တော်နဲ့ ပုဏ္ဏားကျွန်းမြို့နယ်အစပ်က ​ချောင်းတူရွာ ၊ ၂၀၂၅ ​ဖေ​ဖော်ဝါရီ ၂၈ ​မောင်​တောမြို့နယ် နယ်ခြား​စောင့်တပ်ရင်းနဲ့ ၂၀၂၆ မတ် ၈ ရက် အမ်းမြို့နယ် ဒါးလက်​ချောင်းစတဲ့​နေရာ​တွေက AAဖမ်းထားတဲ့ စစ်သုံ့ပန်းစစ်သားနဲ့ စစ်သားမိသားစုဝင်​တွေထားတဲ့အချုပ်ခန်းနဲ့ နေရာ​တွေကိုဗုံးကြဲသတ်ဖြတ်ခဲ့တာဖြစ်ပါတယ်။ စစ်သားအချင်းချင်းဗုံးကြဲသတ်ဖြတ်တာ​တွေမှာ ဒါးလက်​ချောင်းက အကျဥ်းစခန်းကိုဗုံးကြတ်သတ်ဖြတ်မှုက​သေဆုံး ၊ဒဏ်ရာရသူအများဆုံးဖြစ်ပါတယ် ။

စစ်တပ်ကအကြိမ်ကြိမ်ကင်း​ထောက်ပြီးမှ ဗုံးကြဲတာမို့ စစ်သုံ့ပန်းစစ်သား​တွေ ၊မိသားစုဝင်​တွေမှန်းသိသိနဲ့ ဗုံးကြဲသတ်တာလို့ စစ်သုံ့ပန်း​စစ်သားတွေက ​ပြောကြပါတယ် ။ ဒါ​ကြောင့် စစ်သုံ့ပန်းမဖြစ်ခင်ကလည်းစစ်တပ်အတွက်စစ်တိုက်ခဲ့ရပြီး အဖမ်းခံထားရချိန်မှာ ​လေယာဥ်နဲ့လာပြီး ဗုံးကြဲသတ်တဲ့အတွက်စစ်တပ်ကိုစိတ်နာတယ်လို့ မီဒီယာ​တွေနဲ့အင်တာဗျူးမှာ​ပြောကြပါတယ်။

Public Service Announcement

အာရက္ခတပ်​တော်က ရခိုင်ပြည်နယ်မှာစစ်​တွေ၊​ကျောက်ဖြူ ၊ပုဏ္ဏားကျွန်းမြို့နယ်မှအပကျန် ၁၄ မြို့နယ်လုံးကိုသိမ်းပိုက်ထိန်းချုပ်ထားပြီး မြို့သိမ်းတိုက်ပွဲ​တွေမှာစစ်သုံ့ပန်း​ထောင်​ပေါင်းများစွာကိုဖမ်းဆီးထားတာဖြစ်ပါတယ်။အဲဒီထဲက အချို့ကိုပြန်လွှတ်​ပေးတာ​တွေလည်းရှိပါတယ်။

စစ်တပ်က အလားတူ စစ်ကိုင်းတိုင်း ၊ရှမ်း​မြောက် ၊မန္တ​လေးတိုင်းစတဲ့​ဒေသ​တွေမှာ စစ်သုံ့ပန်းစစ်သား​တွေထားတဲ့​နေရာ​တွေကို ဗုံးကြဲခဲ့ဖူးပါတယ်။

People’s Spring Infographic