ဖလူးက ကျားဖြန့်ဝင်းထဲ လက်နက်ကြီးကျ လူထိခိုက်သေဆုံးမှုများဟု​ဒေသခံ​တွေ​ပြော

မတ်−၁၃၊၂၀၂၆။ဒလပန်း/People’s Spring

ကရင်ပြည်နယ်၊မြဝတီမြို့တောင်ဘက် ၊ ဖလူးကျေးရွာအနီးက ကျားဖြန့်ဝင်းထဲ လက်နက်ကြီး ကျရောက်ပေါက်ကွဲခဲ့လို့ လူထိခိုက်သေဆုံးများတယ်လို့ ဒေသခံတွေက​ပြောပါတယ်။

မတ်လ ၁၃ ရက် မနက်ပိုင်းမှာ ဖလူးကျေးရွာအနီးကကျားဖြန့်ဝင်းထဲကိုလက်နက်ကြီးသုံးလုံးကျရောက်ပေါက်ကွဲခဲ့တာဖြစ်ပါတယ်။

“မနက်ကကျတာ၊ ပထမတစ်လုံးကျတယ် ကျပြီးတဲ့အခါကြတော့ အဆောက်အဦးနားကိုကျတယ်။ အဲ့မှာ လန့်ပြီး လူတွေထွက်ပြေးကျတယ်။ အဲ့မှာ ပြေးတဲ့ လူအုပ်ကြားထဲကို လက်နက်ကြီးထပ်ကျတာ။ တော်တော်များများထိကုန်ကြတယ် “လို့ ဒေသခံတစ်ဦးက ပြောပါတယ်။

Public Service Announcement

ဒါ​ကေမယ့်လူထိခိုက်သေဆုံးမှုအ​ခြေအ​နေနဲ့ ဘယ်သူ​တွေထိခိုက်တယ်ဆနုတာအ​သေးစိပ်ကိုမသရ​သေးပဲ လူထု​နွေဦးက ဆက်လက်စုံစမ်းနေဆဲဖြစ်ပါတယ်။

အဲ့ဒီ ကျားဖြန့်ဆိုက်ဟာ ဒီမိုကရေစီအကျိုးပြုတပ်မတော်(DKBA)ရဲ့ထိန်းချုပ်ရာလက်အောက်မှာရှိပြီး ဆောက်လုပ်ပြီးစီးသာ တစ်နှစ်ဝန်းကျင်သာရှိပါသေးတယ်။

ပြီးခဲ့တဲ့ ဖေဖော်ဝါရီ ၂၄ ရက် မြဝတီမြို့တောင်ဘက်က ဖလူး-မဲကနယ် လမ်းပိုင်းတနေရာမှာ စစ်တပ်ရဲ့ ဒရုန်းနဲ့ကြဲမှုကြောင့် DKBAတပ်ရဲ့ အရာရှိတစ်ဦး ဒဏ်ရာရပြီး ရဲဘော် သုံးဦး သေဆုံးခဲ့ရတဲ့ဖြစ်စဥ်လည်းရှိခဲ့ပါတယ်။

လက်ရှိအချိန်မှာ မင်းလက်ပံ၊ ရသေ့ဂူ ဒေသအနီးမှာ စစ်တပ်နဲ့ KNLA ဦး​ဆောင်တဲ့တော်လှန်ရေးတပ်ဖွဲ့တွေကြား တိုက်ပွဲပြင်းထန်ဖြစ်ပွားနေတာပါ။

လေးကေ့ကော်စွယ်တော်ကုန်း ( အမြောက်ကုန်း ) နဲ့ လက်ခတ်တောင်မှာ တပ်စွဲထားတဲ့ စစ်တပ်ဖွဲ့တွေက တိုက်ပွဲဖြစ်ပွားတဲ့နေရာတွေကို လက်နက်ကြီး ပစ်ကူပေးနေတာလည်းဖြစ်ပါတယ်။

စစ်တပ်ဟာ မြဝတီမြို့တောင်ဘက်က လက်လွှတ်ခဲ့ရတဲ့ မြန်မာ-ထိုင်းနယ်စပ်တ​လျှောက်က စစ်တပ်စခန်းတွေကို ပြန်ရဖို့ ပြီးခဲ့တဲ့နှစ် အောက်တိုဘာအတွင်းက စစ်ကြောင်း သုံးကြောင်းနဲ့ တန်ပြန်ထိုးစစ်ဆင်​နေတာဖြစ်ပါတယ်။

စစ်ကြောင်းသုံးကြောင်းနဲ့ စစ်ကြောင်းထိုးနေပေမယ့်လည်း ​တော်လှန်​ရေးတပ်ဖွဲ့တွေရဲ့ ပိတ်ဆို့ဖြတ်​တောက်တိုက်ခိုက်မှုတွေကြောင့် စစ်တပ်ဟာ မင်းလက်ပံကျေးရွာအနီးကနေ ရှေ့မတိုးနိုင်သေးပါဘူး။

မင်းလက်ပံကျေးရွာကို ကာကွယ်ရေးတပ်ဖွဲ့တွေ ထိန်းချုပ်ထားဆဲဖြစ်ပြီး စစ်တပ်က စစ်ကြောင်းထိုး​ရှေ့တိုးနိုင်ဖို့ ကြိုးစား​နေဆဲဖြစ်ပါတယ်။ မင်းလက်ပံကျေးရွာဟာ မြဝတီမြို့တောင်ပိုင်းဒေသအတွက် အဓိက ခံစစ်စည်းတစ်ခု ဖြစ်ပါတယ်။

DKBAဟာစစ်တပ်နဲ့ အပစ်ရပ်စာချုပ်NCA လက်မှတ်​ရေးထိုးထားတဲ့အဖွဲ့ဖြစ်ပြီး စစ်တပ်ရဲ့​ဆွေး​နွေးပွဲအများစုကိုတက်​နေကာစစ်တပ်နဲ့ နီးစပ်တဲ့အဖွဲ့ဖြစ်ပါတယ်။ဒါ​ပေမယ့် အခြားသတင်းတစ်ရပ်မှာ DKBA အမှတ်(၁)စစ်ကွပ်ကဲ​ရေးလက်​အောက်ခံ အမှတ် (၉၁၅)တပ်ရင်းက ဗိုလ်မှူး​စောထို့လွီ နဲ့ ဗိုလ်ကြီး ​စောကရင်​လေး တို့ဟာ NCA လမ်း​ကြောင်းကို​သွေဖယ်ပြီး ​ပေးအပ်ထား​သောတာဝန်ထက်​ကျော်လွန်ပြီး​တော့ ပူး​ပေါင်းအဖွဲ့အစည်း​တွေနဲ့ ပူး​ပေါင်း​ဆောင်ရွက်ခဲ့လို့ အဖွဲ့ဝင်အဖြစ်မှအပြီးအပိုင်ထုတ်ပယ်လိုက်တယ်လို့ မတ်လ ၁၁ ရက်မှထုတ်ပြန်ပါတယ် ။ပေးအပ်ထား​သောတာဝန်ထက်​ကျော်လွန်ပြီး​တော့ ပူး​ပေါင်းအဖွဲ့အစည်း​တွေနဲ့ ပူး​ပေါင်း​ဆောင်ရွက်ခဲ့တယ်ဆိုတာကဘယ်လိုလည်းဆိုတာကို​တော့ ​ဖော်ပြထားခြင်းမရှိပါဘူး ။

ဒါ့အပြင် အ​မေရီကန်နိုင်ငံသား​တွေကို ဦးတည်တဲ့အွန်လိုင်း​ငွေလိမ်လုပ်ငန်း(ကျားဖြန့်)​တွေ​ကြောင့် အ​မေရီကန်က DKBA နဲ့ ​DKBAခေါင်း​ဆောင်​တွေကို ၂၀၂၅ ခုနှစ် နှစ်ကုန်ပိုင်းမှာ အ​ရေးယူပိတ်ဆို့ ဒဏ်ခတ်ထားပါတယ်။