သင်္ကြန်အကြိုနေ့မှာစစ်တပ်က​ရွှေဘိုနယ်ကဘုန်းကြီး​ကျောင်းကိုဗုံးကြဲလို့ သံဃာတပါးပျံလွန်ပြီး သုံးပါးဒဏ်ရာရ

■စစ်တပ်က​ရွှေဘိုမြို့​ပေါ်မှ သင်္ကြန်​ပျော်ပွဲရွှင်ပွဲလုပ်ပြီး ရွာ​တွေကိုဗုံးကြဲ

ဧပြီ-၁၃၊၂၀၂၆။ရှိန်း/People’s Spring

သင်္ကြန်အကြိုနေ့မှာစစ်တပ်ကရွှေဘိုမြို့နယ်အနောက်ခြမ်း၊ဆိပ်ခွန်ရွာဘုန်းကြီးကျောင်းကို ဗုံးကြဲခဲ့တာ​ကြောင့် သင်္ကြန်တွင်း ရဟန်းခံထားတဲ့ သံဃာတပါး ပျံလွန်ခဲ့ပြီး ၃ပါးဒဏ်ရာ ရခဲ့တယ်လို့ ဒေသခံ ​တွေက​ပြောပါတယ်။

စစ်တပ်က ​ရွှေဘိုမြို့မှာ သင်္ကြန်အကြို​နေ့ ​ရေကစားမဏ္ဍပ်ဖွင့်အဖြစ် ပျော်ပွဲရွှင်ပွဲ​တွေလုပ်​ပေးပြီး နာရီပိုင်းအကြာမှာ ရွာ​တွေဘက်ကို ဗုံးကြဲခဲ့တာပါ။ဧပြီလ ၁၃ ရက်နေ့၊မွန်းလွဲ ၃နာရီ ခွဲခန့်က မိတ္တီလာ၊ရှမ်းတဲလေ တပ်ကတက်လာတဲ့တိုက်​လေယာဉ်နဲ့ ဆိပ်ခွန်ရွာတိုက်သစ်ဘုန်းကြီးကျောင်းကို စစ်တပ်ကဗုံးကြဲ ခဲ့တာလို့​ဒေသခံ​တွေက​ပြောပါတယ်။

Public Service Announcement

စစ်တပ်ဗုံးကြဲတာ​ကြောင့် ဧပြီ ၁၂ ရက်ကမှသင်္ကြန်အတွင်းရဟန်းခံထားတဲ့ သံဃာ ၄ ပါးထိမှန်ခဲ့တာပါ ။တပါးပျံလွန်ခဲ့ပြီး သုံးပါးဒဏ်ရာရကာ ဒဏ်ရာရတဲ့ ရဟန်းတပါးကလည်းစိုးရိမ်ရတယ်လို့ ​ဒေသခံ​တွေက​ပြောပါတယ်။

“ဘယ်လိုဖြစ်လို့ကြဲလည်းကိုမသိပါဘူး။ဒီလိုအခါကြီးရက်ကြီးလုပ်လိမ့်မယ်လို့ မထင်ဘူးဗျာ။အလစ်အငိုက်ကိုဖြစ်သွားတာ”လို့ ဒေသခံတဦးက ပြောပါတယ်။

ဒါ့အပြင်အဲဲဒီ လေယာဉ်ကပဲဆိပ်ခွန်ရွာဘေးက ထန်းစင်ရွာစာသင် ကျောင်းကိုလည်း ဗုံးတလုံးကြဲခဲ့တာမို့ အမျိုးသားတဦး ဒဏ်ရာပြင်းထန်ရခဲ့တယ်လို့သိရပါတယ်။

စစ်တပ်ကသင်္ကြန်ကာလမှာ မြို့တွေ ပေါ်မှာပျော်ပွဲရွှင်ပွဲ တွေ ဖိအား​ပေးလုပ်ခိုင်းပြီး ကျေးရွာတွေကို​တော့ မီးရှို့တာ လေယာဉ်နဲ့ ဗုံးကြဲတာ တွေဆက်တိုက်လုပ် နေတာလို့​ဒေသခံ​တွေက​ပြောပါတယ်။