ဧပြီ-၁၉၊၂၀၂၆။ သုည/People’s Spring
စစ်ကိုင်းနဲ့ တနင်္သာရီတိုင်းအတွင်းက တော်လှန်ရေးရဲဘော်တွေ၊ သပိတ်အဖွဲ့တွေ၊ ဒေသခံတော်လှန်ပြည်သူတွေဟာ လူထုခေါင်းဆောင် ဒေါ်အောင်ဆန်းစုကြည် အပါအဝင် မတရားဖမ်းဆီးခံနိုင်ငံရေးအကျဉ်းသားအားလုံး လွှတ်ပေးဖို့အတွက် ဆန္ဒပြသပိတ်လှုပ်ရှားမှုတွေကို ဒီကနေ့ (ဧပြီ ၁၉) မှာ ပြုလုပ်ခဲ့ပါတယ်။
စစ်ကိုင်းတိုင်းအတွင်း VENOM စစ်ကြောင်းမှ တော်လှန်ရေးရဲဘော်တွေက လူထုခေါင်းဆောင် ဒေါ်အောင်ဆန်းစုကြည်နဲ့တကွ နိုင်ငံရေးအကျဉ်းသားများအားလုံးလွတ်မြောက်ရေး၊ အရေးတော်ပုံ အောင်နိုင်ရေးအတွက် Blue Shirt Campaign လူထုလှုပ်ရှားမှု ပြုလုပ်ခဲ့ကြပါတယ်။
နိုင်ငံရေးအကျဥ်းသားတွေ လွတ်မြောက်ရေးဟာ ပြည်သူတရပ်လုံးလွတ်မြောက်ရေးနဲ့ စစ်အာဏာရှင်စနစ် ကျဆုံးရေးအထိ အရေးပါတဲ့ ခြေလှမ်းတစ်ရပ်ဖြစ်တဲ့အတွက် ပြည်သူတွေအနေနဲ့ စစ်တပ်ရဲ့ ဖိနှိပ်မှုကို ငြိမ်ခံမနေဘဲ ရရာနည်းလမ်းနဲ့ တိုက်ပွဲဝင်ဖို့ကိုလည်း VENOM စစ်ကြောင်းက တိုက်တွန်းခဲ့ပါတယ်။
Public Service Announcement
တနင်္သါရီတိုင်း ထားဝယ်ခရိုင် နိုင်ငံရေးအကျဥ်းသားများကွန်ရက်မှ ရဲဘော်တွေကလည်း “Free All Political Prisoners” စာသားနဲ့ အဓမ္မ ဖမ်းဆီးအကျဉ်းချခံထားရတဲ့ နိုင်ငံရေးအကျဉ်းသားအားလုံးကို ချက်ချင်းလွှတ်ဖို့ တောင်းဆိုဆန္ဒပြခဲ့ပါတယ်။
