ဒေါ်အောင်ဆန်းစုကြည် သက်ရှိထင်ရှားရှိကြောင်း ခိုင်လုံတဲ့အထောက်အထားပြသဖို့ အမေရိကန်​ရောက်မြန်မာတွေ တောင်းဆိုဆန္ဒပြ

မေ-၃၊၂၀၂၆။ သုည/People’s Spring

အမေရိကန်နိုင်ငံ နယူးယောက်မြို့ Foley Square မှာ ပြည်ပရောက် မြန်မာတွေ စုပေါင်းပြီး နိုင်ငံတော်ရဲ့အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အပါအဝင် နိုင်ငံရေးအကျဉ်းသားအားလုံး လွတ်မြောက်ရေးနဲ့ ဒေါ်အောင်ဆန်းစုကြည် သက်ရှိထင်ရှားရှိကြောင်း ခိုင်လုံတဲ့အထောက်အထားပြသဖို့ (Proof of Life) လှုပ်ရှားမှုကို ဒီကနေ့ (မေ ၃)မှာ ကျင်းပပြုလုပ်ခဲ့ကြပါတယ်။

ဒေါ်အောင်ဆန်းစုကြည် သက်ရှိထင်ရှားရှိကြောင်း ခိုင်လုံတဲ့ အထောက်အထားပြသပေးဖို့ နိုင်ငံတကာအနေနဲ့ ဖိအားပေးတောင်းဆိုပေးဖို့ လှုပ်ရှားမှုပြုလုပ်ခဲ့တာပါ။

ဒါ့အပြင် ဖက်ဒရယ်ဒီမိုကရေစီ ပြည်ထောင်စုပေါ်ထွန်းရေးဦးဆောင်ကော်မတီ (SCEF)ကို ပြည်သူ့ထောက်ခံမှုအပြည့်ရှိကြောင်း ပြသတာတွေ လုပ်ဆောင်ခဲ့ပါတယ်။

Public Service Announcement

ဒါ့အပြင် စစ်ခေါင်းဆောင်နဲ့ အာဏာသိမ်းအစိုးရကို လုံးဝလက်မခံကြောင်း ကမ္ဘာသိဆန့်ကျင် ကန့်ကွက်ကြောင်းလည်း ဆန္ဒထုတ်ဖော်ခဲ့ပါတယ်။

ယင်းဆန္ဒပြပွဲကို နယူးယောက်ပြည်နယ်နဲ့ အနီးဝန်းကျင်ပြည်နယ်တွေက တော်လှန်ရေးအင်အားစုပြည်သူတွေ လာရောက်ပူးပေါင်း ဆန္ဒထုတ်ဖော်ခဲ့ကြောင်း ပြည်ပရောက်မြန်မာတစ်ဦးက ဆိုပါတယ်။