မေ -၂၁၊၂၀၂၆။မိုမို/People’s Spring
ရှမ်း – ကရင်နီပြည်နယ်စပ် မိုးဗြဲမြို့မှာ အာဏာသိမ်းစစ်တပ်နဲ့ စစ်တပ်လက်အောက်ခံ PNO ပအိုဝ်းပြည်သူ့စစ်တို့ စစ်ကြောင်းထိုးလာတာကြောင့် တိုက်ပွဲတွေ မကြာခဏဖြစ်နေတယ်လို့ မိုးဗြဲပြည်သူ့ကာကွယ်ရေးတပ်-MBPDF က ဒီကနေ့ မေလ ၂၁ရက်မှာ ထုတ်ပြန်ပါတယ်။
နယ်မြေစိုးမိုးနိုင်ရေးအတွက် အင်အားအလုံးအရင်းနဲ့ စစ်ကြောင်းထိုးလာတဲ့ စစ်တပ်နဲ့ PNO က နေ့စဉ်နဲ့အမျှ စစ်ရေးလှုပ်ရှားမှုရှိနေတယ်လို့ ဆိုပါတယ်။
” အင်အားကတော့မပြောတတ်သေးဘူး။စစ် ကြောင်း နှစ်ခုလောက်ထိုးမယ့်အတိုင်းအတာရှိတယ်”လို့ မိုးဗြဲမြို့မှာရှိနေတဲ့ ကာကွယ်ရေးရဲဘော် တစ်ဦးက ပြောပါတယ်။
Public Service Announcement
(စစ်တပ် ဖျက်ဆီးသွားတဲ့ မိုးဗြဲမြို့ရှိ ဒေသခံတွေရဲ့ နေအိမ်တချို့ကို တွေ့ရစဉ်။ ဓာတ်ပုံ – Mobye People Defense Force) (စစ်တပ် ဖျက်ဆီးသွားတဲ့ မိုးဗြဲမြို့ရှိ ဒေသခံတွေရဲ့ နေအိမ်တချို့ကို တွေ့ရစဉ်။ ဓာတ်ပုံ – Mobye People Defense Force) (စစ်တပ် ဖျက်ဆီးသွားတဲ့ မိုးဗြဲမြို့ရှိ ဒေသခံတွေရဲ့ နေအိမ်တချို့ကို တွေ့ရစဉ်။ ဓာတ်ပုံ – Mobye People Defense Force)
ထိတွေ့မှုတွေမှာ အထိနာတဲ့ စစ်တပ်က လက်နက်ကြီး၊ဒရုန်းတွေနဲ့ ရမ်းသမ်းပစ်ခတ်တာ၊ ရည်ရွယ်ချက်ရှိရှိ စစ်ရှောင်စခန်းတွေကို ပစ်မှတ်ထားတိုက်ခိုက်မှုတွေ အကြိမ်ကြိမ်ပြုလုပ်နေတယ်လို့ အသိပေးပါတယ်။
ဒါ့အပြင် မိုးဗြဲမြို့တွင်းမှာ စစ်တပ်နဲ့ PNO တပ်တွေ ကာကင်းယူထားတဲ့ ကျေးရွာ၊ရက်ကွက်အချို့မှာလည်း ဒေသခံတွေရဲ့ ပစ္စည်းတွေကိုခိုးယူတာ၊အိုးအိမ်တွေကို မီးရှို့တာ၊ဘာသာရေးအဆောက်အဦးနဲ့ ပြည်သူတွေရဲ့ အဆောက်အဦးတွေကို ဖျက်ဆီးဖြုတ်ယူတာတွေကို တွေ့နေရတယ်လို့ MBPDF က ပြောပါတယ်။
လက်ရှိစစ်ရေးအခြေအနေကြောင့်လည်း အချိန်မရွေး တိုက်ပွဲကြီးငယ်ဖြစ်ပွားနိုင်ပြီး ရှေ့တန်းကာကင်းက ရဲဘော်တွေအတွက်လည်း အရေးပေါ်စားနပ်ရိက္ခာ၊ဆေးဝါးနဲ့ အမိုးအကာတွေ အထူးလိုအပ်နေတဲ့ အပြင် စစ်ရေးအထောက်အပံ့တွေ အရေးတကြီးလိုနေတယ်လို့ ဆိုပါတယ်။
မေလ ၁၃ ရက်ကစပြီး စစ်တပ်နဲ့ PNO ပူးပေါင်းပြီး မိုးဗြဲမြို့အနောက်ဘက်ခြမ်းမှာ စစ်ကြောင်းထိုးနေတာဖြစ်ပါတယ်။
“မိုးဗြဲစက်တော် လွယ်ဝိုင်းဘက်ကို စစ်ကြောင်းထိုးလာလို့ ထိတွေ့မှု့ဖြစ်တာပါ။တိုးလိုက်ဆုတ်လိုက်ပဲ။အခြေနေက ဆိုင်ထားတဲ့အခြေနေပါ”လို့ မြေပြင်စစ် ရေးသတင်းရင်းမြစ်က ပြောထားပါတယ်။
မိုးဗြဲမြို့ကို စစ်တပ်က ၂၀၂၅ ဇူလိုင်မှာ ပြန်ထိန်းချုပ်ပြီးနောက်ပိုင်း မိုးဗြဲမြို့အနီးကျေးရွာတွေကို မကြာခဏ စစ်ကြောင်းထိုးနေတာဖြစ်ပါတယ်။
