ဇူလိုင်-၃၊၂၀၂၆။တေဇ/People’s Spring
မွန်ပြည်နယ်၊ မော်လမြိုင်မြို့မှာ ဆိုင်ကယ်ကယ်ရီမောင်းသူ ၁ဦး ပစ္စည်းလုယက်ပြီး အသတ်ခံခဲ့ရတယ်လို့ ဒေသခံတွေက ပြောပါတယ်။
ဇူလိုင် ၂ ရက် နံနက်မှာ သေဆုံးသူရဲ့ ဖုန်းကို ကောက်ရာခဲ့ရာက အဲဒီ့နေရာမှာ တစ်စုံတစ်ခုကို ဆွဲချထားတဲ့ စွပ်ကြောင်းတွေ့တာကြောင့် ရှာဖွေခဲ့ပြီး တောင်ရိုးတန်း View Point ရဲ့အောက်ဘက် ခြုံထဲမှာ သေဆုံးသူကို ထိုးသွင်းဒဏ်ရာတွေနဲ့ မှောက်လျက်အနေအထား တွေ့ခဲ့ရတာဖြစ်တယ်လို့ ရာမည အရေးပေါ်လူမှူကူညီရေးအဖွဲ့က သတင်းထုတ်ပြန်ထားပါတယ်။
သေဆုံးသူက ဇူလိုင် ၁ ရက်ည ၈နာရီခွဲလောက်မှာ ပုလဲဖြူဟိုတယ်နားကနေ ကယ်ရီလိုက်သွားခဲ့ပြီး အဲဒီ့နေ့ညကတည်းက အဆက်အသွယ်မရခဲ့တာလို့ သေဆုံးသူရဲ့ ဇနီးက အထက်ပါ လူမှုရေးအဖွဲ့ကိုပြောပါတယ်။
Public Service Announcement
“လူ့အသက်တစ်ချောင်းက ဆိုင်ကယ်တစ်စီးလောက်တောင် တန်ဖိုးမရှိတော့ဘူးလား” လို့ ပြည်သူတစ်ဦးက မေးခွန်းထုတ်ထားပါတယ်။
ဒါ့အပြင် ဒီဖြစ်စဉ်က တရားဥပဒေစိုးမိုးမှု မရှိတာကိုပြသနေတာဖြစ်ပြီး ပြည်သူတွေရဲ့ လုံခြုံရေးအတွက် ဖေ့စ်ဘွတ်ခ်အသုံးပြုသူတွေက မေးခွန်းထုတ်ထားကြပါတယ်။
