Connect with us

Hi, what are you looking for?

သတင်း

မင်းတပ်မြို့ စစ်တပ် ဗုံးကြဲမှု အသက်(၉၀)ခန့်အရွယ် အဘိုးအို သေဆုံး

ချင်းပြည်နယ်၊ မင်းတပ်မြို့ကို အာဏာသိမ်းစစ်တပ်က လေကြောင်းကနေ ဗုံးကြဲတိုက်ခိုက်ခဲ့လို့ အဘိုးအို ၁ဦး သေဆုံးခဲ့ကြောင်း မင်းတပ်ဒေသခံက ပြောပါတယ်။

(မင်းတပ်မြို့ကို အာဏာသိမ်းစစ်တပ်က လေကြောင်းကနေ ဗုံးကြဲတိုက်ခိုက်အပြီး ပျက်စီးမှုများ။ ဓာတ်ပုံ - Ĥkl Mindat)

အောက်တိုဘာ ၃၊၂၀၂၆။ထားမြတ်/People’s Spring

ချင်းပြည်နယ်၊ မင်းတပ်မြို့ကို အာဏာသိမ်းစစ်တပ်က လေကြောင်းကနေ ဗုံးကြဲတိုက်ခိုက်ခဲ့လို့ အဘိုးအို ၁ဦး သေဆုံးခဲ့ကြောင်း မင်းတပ်ဒေသခံက ပြောပါတယ်။

အောက်တိုဘာ ၃ရက် နေ့လယ်ပိုင်းမှာ စစ်တပ် တိုက်လေယာဉ်တွေက မင်းတပ်မြို့ နေရာ ၂ ခုကို လေကြောင်းဗုံးကြဲခဲ့တာလို့ ဆိုပါတယ်။

” တိုက်ပွဲမရှိဘူး အခုအချိန်” လို့ မင်းတပ်ဒေသခံက စစ်တပ်က အကြောင်းမဲ့ လေကြောင်းဗုံးကြဲတိုက်ခိုက်ခဲ့မှု အခြေအနေကို ပြောပါတယ်။

Public Service Announcement

Public Service Announcement

လေကြောင်း တိုက်ခိုက်မှုကြောင့် နေအိမ်အချို့ ပျက်စီးခဲ့တဲ့အပြင် အသက်(၉၀)ခန့်အရွယ် အဘိုးအို၁ဦး သေဆုံးတယ်လို့ သိရကြောင်း အသိပေးပါတယ်။

အာဏာသိမ်း စစ်တပ်ဟာ အောက်တိုဘာ ၂ရက်ကလည်း မင်းတပ်မြို့အနီးကို လေကြောင်းဗုံးကြဲခဲ့တယ်လို့ ဆိုပါတယ်။

ချင်းညီနောင်အဖွဲ့ဝင် ချင်းပြည်သူ့အစည်းအရုံး/ချင်းပြည်သူ့တပ်မတော်(CPU/CPA) ထိန်းချုပ်ထားတဲ့ မင်းတပ်နဲ့ ကန်ပက်လက်မြို့အပါအဝင် ချင်းတောင်ပိုင်းဒေသတွေ ပြန်သိမ်းပိုက်နိုင်ဖို့ စစ်တပ်က ၂၀၂၆ မေလကတည်းက ထိုးစစ်ဆင်နေတာဖြစ်ပါတယ်။

မြေပြင်ထိုးစစ်မတိုင်ခင်ကတည်းက မင်းတပ်နဲ့ ကန်ပက်လက်ဒေသတွေကို လေကြောင်းဗုံးကြဲတိုက်ခဲ့ရာ ထိုးစစ်စတင်ချိန်မှာလည်း အပြင်းအထန် ဗုံးကြဲခဲ့ပါတယ်။

စစ်တပ်ထိုးစစ်မအောင်မြင်ဘဲ ရပ်တန့်နေတဲ့ အခြေအနေ လတ်တလောမှာ တိုက်ပွဲတွေ ခေတ္တငြိမ်နေချိန် ကန်ပက်လက်နဲ့ မင်းတပ်ဒေသတွေကို စစ်တပ်က လေကြောင်းဗုံးကြဲတာတွေ ဆက်တိုက်ပြုလုပ်နေတာ ဖြစ်ပါတယ်။

ဆက်စပ်သတင်းများ

သတင်း

စစ်ကြောင်း မိုင်းဆွဲခဲ့ရပြီးနောက် တဲကြီးရွာကို မီးဝင်ရှို့

ဆောင်းပါး

"ရှေ့ဆောင် နွား ဖြောင့်ဖြောင့်သွားက နောက်နွား တစ်သိုက် ဖြောင့်ဖြောင့် လိုက်၏" တဲ့။

သတင်း

ကရင်ပြည်နယ်၊ ကော့ကရိတ်မြို့နယ်က စစ်တပ် တပ်စွဲရာ နေရာ ၃ခုကို ဒရုန်းနဲ့ တိုက်ခိုက်ခဲ့ကြောင်း ရာမညမွန်တပ်တော်(RMA)က သတင်းထုတ်ပြန်ပါတယ်။

သတင်း

မကွေးတိုင်း၊ မင်းတုန်းအနောက်ခြမ်းက အာဏာသိမ်းစစ်တပ်ရဲ့ ပွိုင့်ကုန်းစခန်းတွေကို တော်လှန်ရေးတပ်တွေက တန်ပြန်ထိုးစစ်ဆင်နေတယ်လို့ မြေပြင်စစ်ရေး သတင်းရင်းမြစ်တချို့က လူထုနွေဦးကို ပြောပါတယ်။