Connect with us

Hi, what are you looking for?

LuduNwayOo

နိုင်ငံတကာ

ပီရူးမှာ ကပ်ရောဂါကြောင့် သေဆုံးသူ မူလ ထုတ်ပြန်ထားတာထက် နှစ်ဆကျော် ပိုများနေ

ကပ်ရောဂါကြောင့် သေဆုံးသူ ဦးရေဟာ မူလ ထုတ်ပြန်ထားတာထက် နှစ်ဆကျော် များပြားခဲ့ကြောင်း ပီရူးအစိုးရက အတည်ပြု ကြေညာခဲ့ပါတယ်။

မူလက ပီရူးမှာ Covid-19ကြောင့် သေဆုံးသူ ၆၉၀၀၀ ကျော် ရှိခဲ့တယ်လို့ စာရင်းထုတ်ထားပေမယ့် ပြန်လည် စိစစ်မှုတွေ အပြီးမှာတော့ အမှန်တကယ် သေဆုံးသူ ၁၈၀၀၀၀ ကျော်ထိ များပြားခဲ့ကြောင်း အစိုးရက ဝန်ခံခဲ့ပါတယ်။ ပီရူး ဝန်ကြီးချုပ် ဗိုင်ယိုလက်တာ ဘာမြူဒက်ဇ်က ပြည်တွင်းပြည်ပ ကျွမ်းကျင် ပညာရှင်တွေရဲ့ စစ်ဆေးမှု ရလဒ်တွေကို ကိုးကားပြီး စာရင်း ပြင်ဆင်ခဲ့တာလို့ ပြောကြားသွားပါတယ်။

စာရင်း အသစ်အရ ပီရူးဟာ ကမ္ဘာပေါ်မှာ နိုင်ငံသား ဦးရေနဲ့ယှဉ်ရင် Covid-19ကြောင့် သေဆုံးမှု အချိုးအစား အများဆုံး နိုင်ငံ ဖြစ်လာကြောင်း ဂျွန်ဟော့ပ်ကင်းစ် သုတေသန တက္ကသိုလ်က မှတ်ချက် ပြုခဲ့ပါတယ်။ မှန်ကန်တဲ့ သတင်း အချက်အလက်ကို ပြည်သူတွေဆီ အသိပေးဖို့က အစိုးရရဲ့ တာဝန်ဖြစ်တယ်လို့ ဘာမြူဒက်ဇ်က ဆိုပါတယ်။

အရင်က ဟန်ဂေရီဟာ လူဦးရေ တစ်သိန်းမှာ Covid-19ကြောင့် သေဆုံးသူ ၃၀၀ ဝန်းကျင် ရှိခဲ့ရာက အခုတော့ ပီရူးဟာ လူ တစ်သိန်းရှိရင် ၅၀၀ ကျော် သေတဲ့ အချိုးအစားနဲ့ ထိပ်ဆုံးနေရာ ရောက်လာခဲ့ပါတယ်။ တောင်အမေရိကတိုက်ဟာ Covid-19 ကူးစက်မှု အဆိုးဆုံး ဇုန်နယ်မြေတစ်ခု ဖြစ်ခဲ့ပြီး ပီရူးကတော့ အခြေအနေ အဆိုးတကာ့ အဆိုးဆုံးလို့ သတ်မှတ်နိုင်ပါတယ်။

ပီရူး အပါအဝင် တောင်အမေရိက ဒေသတွင်း နိုင်ငံတွေမှာ ကာကွယ်ဆေး ထိုးနှံဖို့ အရှိန်အဟုန်မြှင့် ဆောင်ရွက်နေပေမယ့် အခြေအနေ အမျိုးမျိုးကြောင့် နှောင့်နှေးမှုတွေ ကြုံတွေ့နေကြောင်းလည်း သိရပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

နိုင်ငံတကာ

ကင်မ်ယိုဂျောင်က ကပ်ရောဂါ တားဆီးတိုက်ဖျက်ရေး သတ်မှတ် စည်းမျဉ်းတွေကို အစိုးရက ပယ်ဖျက်ပေးလိုက်ပြီလို့ ကြေညာခဲ့သလို ရောဂါဆိုးကြောင့် အသေအပျောက် ၇၄ ဦးသာ ရှိခဲ့တယ် ဆိုတာကလည်း တကယ့် ထူးခြား အံ့ဖွယ် အခြေအနေ တစ်ခုလို့ ညွှန်းဆိုသွားပါတယ်။

နိုင်ငံတကာ

အစိုးရတွေ အနေနဲ့ အရင်လို တင်းကျပ်တဲ့ Lockdown အစီအမံတွေ ပြန်မသုံးနိုင်သေးဘူး ဆိုရင်တောင် ဆေးစစ်နိုင်စွမ်းနဲ့ ကာကွယ်ဆေး ထိုးနှံမှုတွေ အရှိန်မြှင့်နိုင်အောင် ကြိုးစားပေးဖို့တော့ ဒေါက်တာ ဂျီဘရီယီးဆက်စ်က တိုက်တွန်းခဲ့ပါတယ်။

နိုင်ငံတကာ

တရုတ် လက်အောက်ခံ မြို့ပြနိုင်ငံ မကာအိုဟာ ကမ္ဘာပေါ်မှာ အကြီးကျယ်ဆုံး လောင်းကစား မြို့တော်ကြီး တစ်ခုအဖြစ် သတ်မှတ် ခံထားရပါတယ်။ မကာအိုရဲ့ စီးပွားရေး ကဏ္ဍ ရာခိုင်နှုန်း အများစုဟာ တရားဝင် ဖွင့်လှစ်ထားတဲ့ ကာစီနို လောင်းကစား လုပ်ငန်းတွေအပေါ် မှီခိုထားရပါတယ်။

သတင်း

စစ်ကောင်စီကနေတဆင့်ဖြတ်သန်းသွားမယ့် အာဆီယံ လူသားချင်းစာနာထောက်ထားမှု အစီအစဉ်ဟာ စစ်ကောင်စီကို တရားဝင်အသိအမှတ်ပြုတာနဲ့ စစ်ကောင်စီနယ်မြေစိုးမိုးမှု ပိုရအောင် အားပေးရာရောက်တယ်လို့ဝေဖန်တာတွေလည်းရှိနေပါတယ်။