အိန္ဒိယ နိုင်ငံက ဆယ်ကျော်သက် လူငယ် တစ်ယောက်ဟာ အဖေဆီက ပူဆာတာ မရလို့ အက်ဆစ်သောက်လိုက်ကြောင်း သိရပါတယ်။
အူတာပရာဒေ့ရှ် ပြည်နယ်က ကြေးထည် လုပ်ငန်းရှင် တစ်ယောက်ရဲ့ သားက မော်တော်ဆိုင်ကယ် ဝယ်ပေးဖို့ သူ့အဖေကို ပူဆာခဲ့ပါတယ်။ ဒါပေမဲ့ ဖခင်ဖြစ်သူက ငြင်းဆန်တဲ့အတွက် ကတောက်ကဆ ဖြစ်ခဲ့ကြပါတယ်။
အောက်တိုဘာ ၅ ရက်က ဖြစ်စဉ်မှာ ဒေါသထွက်နေတဲ့ အသက် ၁၇ နှစ်အရွယ် လူငယ်ဟာ လုပ်ငန်းသုံး အက်ဆစ်ပုလင်းကို လှမ်းယူပြီး မော့ချလိုက်တာ ဖြစ်ပါတယ်။ လူငယ်ကို မော်ရာဒါဘက်ခရိုင် ဆေးရုံဆီ အမြန်ဆုံး တင်ပို့ပြီး သီးသန့်ခန်းမှာ ကုသပေးနေကြောင်း၊ အခြေအနေ အရမ်းဆိုးကြောင်း ဒေသခံ ရဲတပ်ဖွဲ့ အရာရှိ အမစ်ကူးမားက ဆိုပါတယ်။
အက်ဆစ်က အရမ်းပြင်းထန်တာကြောင့် လူငယ်ရဲ့ ပါးစပ်နဲ့ အစာချေ လမ်းကြောင်းတလျှောက်မှာ ကြီးကြီးမားမား ထိခိုက်မှုတွေ ဖြစ်ခဲ့ကြောင်းလည်း ဆရာဝန်တွေက ပြောပါတယ်။
Public Service Announcement
အခုဖြစ်စဉ်ကို ရဲတပ်ဖွဲ့က ဆက်လက် စုံစမ်းနေပေမယ့် အမှုဖွင့်ထားတာမျိုးတော့ မရှိသေးဘူးလို့လည်း သိရပါတယ်။
