Connect with us

Hi, what are you looking for?

LuduNwayOo

နိုင်ငံတကာ

ကိုဗစ်ကူးစက်မှုတွေကြောင့် မကာအိုက ကာစီနိုရုံ အားလုံး ပိတ်ဖို့ ညွှန်ကြားထား

တရုတ် လက်အောက်ခံ မြို့ပြနိုင်ငံ မကာအိုဟာ ကမ္ဘာပေါ်မှာ အကြီးကျယ်ဆုံး လောင်းကစား မြို့တော်ကြီး တစ်ခုအဖြစ် သတ်မှတ် ခံထားရပါတယ်။ မကာအိုရဲ့ စီးပွားရေး ကဏ္ဍ ရာခိုင်နှုန်း အများစုဟာ တရားဝင် ဖွင့်လှစ်ထားတဲ့ ကာစီနို လောင်းကစား လုပ်ငန်းတွေအပေါ် မှီခိုထားရပါတယ်။

ကိုဗစ်ကူးစက်မှုတွေကြောင့် မကာအိုက ကာစီနိုရုံ အားလုံး ပိတ်ဖို့ ညွှန်ကြားထား
ကိုဗစ်ကူးစက်မှုတွေကြောင့် မကာအိုက ကာစီနိုရုံ အားလုံး ပိတ်ဖို့ ညွှန်ကြားထား

ကိုဗစ်ကပ်ရောဂါကူးစက်မှုကြောင့် ကာစီနို လောင်းကစားရုံ အားလုံးကို ပိတ်ထားမယ်လို့ မကာအို အာဏာပိုင်တွေက အတည်ပြု ကြေညာလိုက်ပါတယ်။

တရုတ် လက်အောက်ခံ မြို့ပြနိုင်ငံ မကာအိုဟာ ကမ္ဘာပေါ်မှာ အကြီးကျယ်ဆုံး လောင်းကစား မြို့တော်ကြီး တစ်ခုအဖြစ် သတ်မှတ် ခံထားရပါတယ်။ မကာအိုရဲ့ စီးပွားရေး ကဏ္ဍ ရာခိုင်နှုန်း အများစုဟာ တရားဝင် ဖွင့်လှစ်ထားတဲ့ ကာစီနို လောင်းကစား လုပ်ငန်းတွေအပေါ် မှီခိုထားရပါတယ်။

အခုအခါမှတော့ မကာအိုက ကာစီနိုရုံကြီး အားလုံးကို ၂ နှစ်အတွင်း ပထမဆုံးအကြိမ် ပိတ်ထားဖို့ အာဏာပိုင်တွေက ညွှန်ကြားလိုက်ပါတယ်။ ကပ်ရောဂါ ကူးစက်မှုတွေကို တန်ပြန် ထိန်းချုပ်ဖို့အတွက် ကာစီနိုရုံ ၃၀ ကျော် အပါအဝင် မရှိမဖြစ် ဖွင့်လှစ်စရာ မလိုတဲ့ လုပ်ငန်းအားလုံးကို သီတင်းတစ်ပတ် ပိတ်ထားရမယ်လို့ တာဝန်ရှိသူတွေက ပြောပါတယ်။

မကာအိုမှာ ဇွန်လလယ်ကစလို့ ကိုဗစ်ရောဂါ ကူးစက်လူနာသစ် ၁၅၀၀ ကျော် တိုးပွားလာခဲ့ကြောင်း မြို့ပြအုပ်ချုပ်ရေး အဖွဲ့ တရားဝင် ထုတ်ပြန်တဲ့ ကိန်းဂဏန်းတွေအရ သိရပါတယ်။ ကာစီနိုရုံတွေ ပိတ်ဖို့ ညွှန်ကြားချက် ထွက်လာတဲ့နောက် မကာအို လောင်းကစား လုပ်ငန်းတွေရဲ့ ရှယ်ယာတွေ သိသိသာသာ တန်ဖိုးကျသွားခဲ့ပါတယ်။ စတော့ စျေးကွက်ထဲမှာတော့ အာဏာပိုင်တွေဆီက နောက်ထပ် ပိုမိုတင်းကျပ်တဲ့ အရေးယူ ကိုင်တွယ်မှုတွေ ရှိလာမှာကို စိုးရိမ်နေကြတာကြောင့်ပါ။

မကာအို အာဏာပိုင်တွေက ပြည်သူတွေ အနေနဲ့ အတတ်နိုင်ဆုံး အိမ်မှာပဲ နေကြဖို့၊ စားသောက်ဆိုင်တွေမှာ စုဝေးစားသောက်တာတွေ မလုပ်ကြဖို့လည်း ညွှန်ကြားထားပါတယ်။ မှတ်တမ်းတွေအရ မကာအိုမှာ နေထိုင်သူ အားလုံးရဲ့ ၉၀ ရာခိုင်နှုန်းကျော်ဟာ ကာကွယ်ဆေး အနည်းဆုံး ၂ ကြိမ် ထိုးထားကြပြီး ဖြစ်တယ်လို့ သိရပါတယ်။ ဒါပေမဲ့ ကူးစက်နှုန်း အရမ်းမြန်တဲ့ Omicronမျိုးကွဲ ကိုရိုနာဗိုင်းရပ်စ်နဲ့ ကြုံလာချိန်မှာ အခုလို ကိုဗစ်လူနာတွေ ဆက်တိုက် တိုးလာနေတာလည်း ဖြစ်ပါတယ်။

You May Also Like

နိုင်ငံတကာ

လောလောဆယ်မှာ ကိုဗစ်ရောဂါရဲ့ သဘောသဘာဝဟာ စပ်ကူးမတ်ကူး ကာလမျိုးကို ဖြတ်သန်း ဝင်ရောက်နေဆဲဖြစ်ပြီး အလေးထား စောင့်ကြည့်မှုတွေ ဆက်လက် လိုအပ်နေတယ်လို့ ကော်မတီက မှတ်ချက် ပေးခဲ့ပါတယ်။

နိုင်ငံတကာ

တရုတ်နှစ်သစ်ကူးကို အကြောင်းပြုပြီး ဒေသတချို့မှာ ရောဂါ ဖြစ်ပွားနှုန်း တိုးလာတာမျိုး ကြုံကောင်း ကြုံရနိုင်ကြောင်း၊ ဒါပေမဲ့ နောက်တစ်ကြိမ် ကိုဗစ်ကူးစက်မှုလှိုင်း အကြီးအကျယ် ရိုက်ခတ်တာမျိုးကတော့ လာမယ့် လပိုင်းတွေအတွင်း မဖြစ်နိုင်လောက်တော့ကြောင်း ဝူက မှတ်ချက် ပေးခဲ့ပါတယ်။

နိုင်ငံတကာ

တရုတ် အာဏာပိုင်တွေကတော့ အခုအခါမှာ ကိုဗစ် ကူးစက်မှုနှုန်းဟာ အမြင့်ဆုံး အဆင့်ကို ကျော်လွန်ခဲ့ပြီးပြီလို့ ယုံကြည်ယူဆကြောင်း ပြောပါတယ်။ တရုတ်နိုင်ငံဟာ ကူးစက်နှုန်း အရမ်းမြန်တဲ့ Omicron ဆင့်ကဲမျိုးကွဲ ကိုရိုနာဗိုင်းရပ်စ် တစ်မျိုးရဲ့ ဒဏ်ကို ခံနေရတာပါ။

သတင်း

ကမ္ဘာ့ကျန်းမာရေးအဖွဲ့(WHO)၏ စာရင်းများအရ ပြီးခဲ့သည့် တစ်ပတ်အတွင်း တစ်ကမ္ဘာလုံးတွင် COVID-19 လူနာသစ်ဖြစ်ပွားမှု မြင့်တက်​နေသည်။