Connect with us

Hi, what are you looking for?

LuduNwayOo

နိုင်ငံတကာ

ရုရှားအတွက် သူလျှိုလုပ်ဖို့ ကြိုးစားခဲ့တဲ့ အမေရိကန် စစ်ဆရာဝန်နဲ့ ဇနီး အဖမ်းခံရ

လောလောဆယ် စွဲချက်တင်ခံထားရတဲ့ ဆရာဝန် လင်မယားရဲ့ ရှေ့နေကတော့ အမှုနဲ့ ပတ်သက်ပြီး မှတ်ချက် မပေးလိုကြောင်း ပြောပါတယ်။ ရုရှားဖက်ကလည်း ဒီကိစ္စနဲ့ ပတ်သက်ပြီး နှုတ်ဆိတ်နေပါတယ်။

ရုရှားအတွက် သူလျှိုလုပ်ဖို့ ကြိုးစားခဲ့တဲ့ အမေရိကန် စစ်ဆရာဝန်နဲ့ ဇနီး အဖမ်းခံရ
ရုရှားအတွက် သူလျှိုလုပ်ဖို့ ကြိုးစားခဲ့တဲ့ အမေရိကန် စစ်ဆရာဝန်နဲ့ ဇနီး အဖမ်းခံရ

အမေရိကန် စစ်တပ်ရဲ့ စစ်ဆရာဝန် တစ်ဦးနဲ့ ဇနီးဖြစ်သူကို ရုရှားအတွက် သူလျှိုလုပ်ဖို့ ကြိုးစားခဲ့ကြောင်း စွပ်စွဲချက်နဲ့ ဖမ်းဆီးလိုက်ပါတယ်။

ဂျေမီ လီ ဟင်နရီဟာ ဗိုလ်မှူးအဆင့် စစ်ဆရာဝန် တစ်ဦးဖြစ်ပြီး ဇနီးသည် အန်နာ ဂေဘရီလီယန်ကတော့ အရပ်ဖက် ဆရာဝန် တစ်ဦးပါ။ သူတို့နှစ်ယောက်ဟာ ရုရှား အစိုးရဆီ လျှို့ဝှက် သတင်းအချက်အလက်တွေ ပေးပို့ဖို့ ကြိုးစားခဲ့ကြောင်း စွပ်စွဲမှုအတွက် အဖမ်းခံခဲ့ရတာ ဖြစ်ပါတယ်။

Public Service Announcement

Public Service Announcement

ဟင်နရီနဲ့ ဂေဘရီလီယန်တို့ နှစ်ဦးဟာ စစ်ဆေးရုံ တစ်ခုက လူနာတွေရဲ့ လျှို့ဝှက်ထားသင့်တဲ့ အချက်အလက်တွေကို ရုရှားဆီ ပေးပို့ဖို့ ကြိုးစားခဲ့တာပါ။ ကံဆိုးစွာနဲ့ပဲ သူတို့ ဆက်သွယ်မိခဲ့သူဟာ အမေရိကန် FBI ထောက်လှမ်းရေး ဌာနက အသွင်ယူထားတဲ့ အေးဂျင့်တစ်ဦး ဖြစ်နေပါတယ်။ သူတို့က ရုရှားအပေါ် ထားရှိတဲ့ မျိုးချစ်စိတ်ကြောင့် ရုရှား အစိုးရကို အခုလို ကူညီဖို့ ကြိုးစားခဲ့တာလို့ FBI အေးဂျင့်ဆီ ပြောပါတယ်။

လောလောဆယ် စွဲချက်တင်ခံထားရတဲ့ ဆရာဝန် လင်မယားရဲ့ ရှေ့နေကတော့ အမှုနဲ့ ပတ်သက်ပြီး မှတ်ချက် မပေးလိုကြောင်း ပြောပါတယ်။ ရုရှားဖက်ကလည်း ဒီကိစ္စနဲ့ ပတ်သက်ပြီး နှုတ်ဆိတ်နေပါတယ်။

ဆရာဝန် လင်မယားဟာ အမေရိကန် အစိုးရ အရာရှိတွေနဲ့ စစ်မှုထမ်းတွေရဲ့ ကျန်းမာရေးဆိုင်ရာ လျှို့ဝှက် မှတ်တမ်းတွေကို ရုရှား အာဏာပိုင်တွေဆီ ပေးပို့ဖို့ ကြိုးစားခဲ့တာလို့ အစိုးရ ရှေ့နေတွေက ပြောပါတယ်။ အသက် ၃၉ နှစ်အရွယ် ဗိုလ်မှူး ဟင်နရီဟာ သူ့ရဲ့ ရာထူးကို အသုံးချပြီး ဖို့တ်ဘရက်ဂ် စစ်ဆေးရုံက လူနာတွေရဲ့ ဆေးမှတ်တမ်းတွေကို ရယူနိုင်ခဲ့ပါတယ်။ အသက် ၃၆ နှစ်အရွယ် ဂေဘရီလီယန်ကတော့ ဘာလ်တီမိုးမြို့၊ ဂျွန်ဟော့ပ်ကင်းစ် ဆေးရုံကနေတဆင့် အဲဒီ အချက်အလက်တွေကို ပေါက်ကြားစေဖို့ ကြုံရွယ်နေခဲ့တယ်လို့ သိရပါတယ်။

ဒါ့အပြင် ရုရှားက ယူကရိန်းကို ကျူးကျော်စစ်ပြုတာ မတိုင်ခင် လပိုင်းလောက် အလိုမှာ ဂေဘရီလီယန်ဟာ ဝါရှင်တန်မြို့မှာရှိတဲ့ ရုရှားသံရုံးဆီ ချိတ်ဆက်ပြီး သူ့ရဲ့ သူလျှိုလုပ်မယ့် ကိစ္စအတွက် အကူအညီ တောင်းခံခဲ့သေးတယ်လို့ အမေရိကန် အစိုးရ အရာရှိတွေက စွပ်စွဲပါတယ်။ အဲဒီနောက် ရုရှားသံရုံးမှာ အလုပ်လုပ်နေတယ်လို့ ဆိုသူတစ်ဦးက သူတို့ လင်မယားဆီ စတင် ဆက်သွယ် ချဉ်းကပ်လာပါတယ်။ တကယ်တမ်းတော့ အဲဒီသူဟာ အသွင်ယူထားတဲ့ FBI အေးဂျင့်သာ ဖြစ်ပါတယ်။

Public Service Announcement

Public Service Announcement

ဆရာဝန် လင်မယားဟာ လက်ရှိ ရင်ဆိုင်နေရတဲ့ စွဲချက်တွေအတွက်သာ ပြစ်မှုထင်ရှားခဲ့ရင် ထောင်ဒဏ် နှစ်ရှည် ကျခံရနိုင်ပါတယ်။ သူတို့ဟာ သစ္စာဖောက်ရန် ကြံစည်မှုအတွက် အမြင့်ဆုံးပြစ်ဒဏ် ထောင် ၅ နှစ်၊ ကျန်းမာရေးဆိုင်ရာ သတင်းအချက်အလက်တွေ ခိုးယူမှုအတွက် အမြင့်ဆုံးပြစ်ဒဏ် ထောင် ၁၀ နှစ်ထိ ချမှတ်ခံရနိုင်ကြောင်းလည်း သိရပါတယ်။