Connect with us

Hi, what are you looking for?

LuduNwayOo

နိုင်ငံတကာ

ရေပိုင်နက်နားမှာ အမေရိကန် စစ်ရေးလေ့ကျင့်နေတာကို မြောက်ကိုရီးယား ဝေဖန်

အမေရိကန်ဟာ မြောက်ကိုရီးယားအပေါ် ရန်လိုမှုတွေကို ပိုပြီး ထင်ထင်ပေါ်ပေါ် ပြသလေလေ၊ အခြေအနေတွေက ပိုပြီး အန္တရာယ် ကြီးလာလာလေလေ ဆိုတာကို အရှိအတိုင်း နားလည်သင့်ကြောင်း သံအမတ်ကြီး ကင်မ်က ပြောပါတယ်။

ရေပိုင်နက်နားမှာ အမေရိကန် စစ်ရေးလေ့ကျင့်နေတာကို မြောက်ကိုရီးယား ဝေဖန်
ရေပိုင်နက်နားမှာ အမေရိကန် စစ်ရေးလေ့ကျင့်နေတာကို မြောက်ကိုရီးယား ဝေဖန်

ပိုင်နက်ရေပြင်နား အမေရိကန် ရေတပ်က စစ်ရေးလေ့ကျင့်မှုတွေ လုပ်နေခြင်းဟာ စစ်ပွဲဆီ ဦးတည်သွားစေနိုင်တယ်လို့ မြောက်ကိုရီးယား အစိုးရက ခြိမ်းခြောက်လိုက်ပါတယ်။

ကုလသမဂ္ဂဆိုင်ရာ မြောက်ကိုရီးယား သံအမတ်ကြီးက အမေရိကန် ဦးဆောင်ပြီး တောင်ကိုရီးယားနဲ့အတူ ကိုရီးယား ကျွန်းဆွယ်နားမှာ ရေတပ်ပူးပေါင်း စစ်ရေးလေ့ကျင့်နေမှုတွေကို အပြင်းအထန် ကန့်ကွက်ကြောင်း ပြောကြားခဲ့ပါတယ်။ ဒီလုပ်ရပ်မျိုးဟာ စစ်ပွဲကို ဖိတ်ခေါ်နေတာနဲ့ အတူတူပဲလို့ သံအမတ်ကြီး ကင်မ်ဆွန်က စွပ်စွဲခဲ့ပါတယ်။

အမေရိကန် ဦးဆောင်တဲ့ စစ်ရေးလေ့ကျင့်မှုတွေဟာ ရန်လိုတဲ့ အဓိပ္ပါယ်ကို ဆောင်နေပြီး ကိုရီးယား ကျွန်းဆွယ်ရဲ့ အခြေအနေကို တင်းမာမှုတွေ၊ ပဋိပက္ခတွေဆီ ပြန်လည် သယ်ဆောင်နေတယ်လို့ ကုလသမဂ္ဂ မိန့်ခွန်းမှာ ကင်မ်က ထည့်သွင်း ဝေဖန်သွားခဲ့ပါတယ်။

အမေရိကန် ရေတပ်ရဲ့ နျူကလီးယား စွမ်းအင်သုံး လေယာဉ်တင် သင်္ဘောကြီး USS Ronald Raegan ဦးဆောင်တဲ့ တိုက်ရေယာဉ် တပ်ဖွဲ့ဟာ တောင်ကိုရီးယား ရေတပ်နဲ့ ပူးပေါင်းပြီး အခုသီတင်းပတ် အစောပိုင်း ကတည်းက စစ်ရေး လေ့ကျင့်မှုတွေ ပြုလုပ်နေခဲ့တာပါ။ ဒီလေ့ကျင့်မှုမှာ စစ်ရေယာဉ် အစီး ၂၀ ကျော် ပါဝင်ပါတယ်။ ပြီးတော့ အမေရိကန်ရဲ့ လေယာဉ်တင် သင်္ဘောကြီးတစ်စီး ဦးဆောင်ပြီး တောင်ကိုရီးယားနဲ့ ပူးပေါင်း လေ့ကျင့်တာဟာ ၅ နှစ်အတွင်း ပထမဆုံး ဖြစ်လာပါတယ်။

အမေရိကန်ဟာ မြောက်ကိုရီးယားအပေါ် ရန်လိုမှုတွေကို ပိုပြီး ထင်ထင်ပေါ်ပေါ် ပြသလေလေ၊ အခြေအနေတွေက ပိုပြီး အန္တရာယ် ကြီးလာလာလေလေ ဆိုတာကို အရှိအတိုင်း နားလည်သင့်ကြောင်း သံအမတ်ကြီး ကင်မ်က ပြောပါတယ်။

အမေရိကန်နဲ့ တောင်ကိုရီးယားတို့ကတော့ ၄ ရက်ကြာ ပြုလုပ်တဲ့ ရေတပ် စစ်ရေးလေ့ကျင့်မှုမျိုးဟာ ဒေသတွင်း လုံခြုံရေးနဲ့ တည်ငြိမ် အေးချမ်းမှုကို ထိန်းသိမ်းရာမှာ အရေးကြီးတဲ့ လုပ်ငန်းစဉ် တစ်ခုလို့ ပြောကြားထားပါတယ်။

You May Also Like

နိုင်ငံတကာ

အမေရိကန် လေတပ်ဟာ စစ်အေးခေတ်မှာ စတင် အသုံးပြုခဲ့တဲ့ B-2နဲ့ B-1 Lancer မဟာဗျူဟာ ဗုံးကြဲလေယာဉ်တွေ နေရာမှာ B-21 အသစ်တွေကို တဖြည်းဖြည်းချင်း အစားထိုးသွားမှာ ဖြစ်ပါတယ်။

နိုင်ငံတကာ

တရုတ်သာ ရှိရင်းစွဲ မြန်နှုန်းအတိုင်း ဆက်သွားနေရင် ၂၀၃၅ ခုနှစ်မှာ နျူကလီးယားဒုံးကျည် ထိပ်ဖူး အရေအတွက်က ၁၅၀၀ လောက် သေချာပေါက် ပိုင်ဆိုင်နေလိမ့်မယ်လို့ အမေရိကန် ကာကွယ်ရေး ဝန်ကြီးဌာန အစီရင်ခံစာထဲမှာ ကောက်နုတ် ဖော်ပြထားပါတယ်။

နိုင်ငံတကာ

လူမှုကွန်ရက်ပေါ် ရောက်ရှိလာတဲ့ ဓာတ်ပုံတွေ၊ ဗီဒီယိုတွေထဲမှာတော့ အခင်းဖြစ်ရာ နေရာတဝိုက်မှာ ရဲအင်အား အမြောက်အမြား ဖြန့်ကျက်ထားတာ တွေ့ရပါတယ်။

နိုင်ငံတကာ

ကင်မ်ယိုဂျောင်ဟာ မြောက်ကိုရီးယား နိုင်ငံရေး နယ်ပယ်မှာ ဩဇာအကြီးမားဆုံး အမျိုးသမီးအဖြစ် သတ်မှတ် ခံထားရသလို အစ်ကိုဖြစ်သူအပေါ် အထူးတလည် သစ္စာစောင့်သိသူလို့လည်း လူသိများပါတယ်။