Connect with us

Hi, what are you looking for?

LuduNwayOo

နိုင်ငံတကာ

ကီလိုမီတာ ၁၀၀၀ ကျော် ပျံသန်းနိုင်တဲ့ ပြည်တွင်းဖြစ် တိုက်ခိုက်ရေး ဒရုန်းတွေ ယူကရိန်း အသုံးပြုနိုင်ဖို့ ပိုနီးစပ်လာ

Ukroboronprom State Concern စက်မှု လုပ်ငန်းစုကြီးက အဲဒီ ဒရုန်းအသစ်ရဲ့ ဓာတ်ပုံကို ပထမဆုံးအကြိမ် ထုတ်ပြန် ပြသခဲ့ပါတယ်။ အဲဒီ ဒရုန်းကို လက်တွေ့ ပျံသန်းမှုတွေ စမ်းသပ် လုပ်ဆောင်ပြီးပြီလို့လည်း ဆိုပါတယ်။

ကီလိုမီတာ ၁၀၀၀ ကျော် ပျံသန်းနိုင်တဲ့ ပြည်တွင်းဖြစ် တိုက်ခိုက်ရေး ဒရုန်းတွေ ယူကရိန်း အသုံးပြုနိုင်ဖို့ ပိုနီးစပ်လာ
ကီလိုမီတာ ၁၀၀၀ ကျော် ပျံသန်းနိုင်တဲ့ ပြည်တွင်းဖြစ် တိုက်ခိုက်ရေး ဒရုန်းတွေ ယူကရိန်း အသုံးပြုနိုင်ဖို့ ပိုနီးစပ်လာ

ကီလိုမီတာ ၁၀၀၀ ကျော်လောက် အကွာက ပစ်မှတ်တွေကို တိုက်ခိုက်နိုင်တဲ့ ပြည်တွင်းဖြစ် ဒရုန်း အမျိုးအစားသစ်ကို လက်တွေ့ စမ်းသပ်ထားပြီးပြီလို့ ယူကရိန်း ကာကွယ်ရေး နည်းပညာ ကုမ္ပဏီ တစ်ခုက ကြေညာပါတယ်။

Ukroboronprom State Concern စက်မှု လုပ်ငန်းစုကြီးက အဲဒီ ဒရုန်းအသစ်ရဲ့ ဓာတ်ပုံကို ပထမဆုံးအကြိမ် ထုတ်ပြန် ပြသခဲ့ပါတယ်။ အဲဒီ ဒရုန်းကို လက်တွေ့ ပျံသန်းမှုတွေ စမ်းသပ် လုပ်ဆောင်ပြီးပြီလို့လည်း ဆိုပါတယ်။

ဒရုန်းဟာ ကီလိုမီတာ ၁၀၀၀ ကျော်ထိ ပျံသန်းနိုင်ပြီး လက်ရှိ စမ်းသပ် အဆင့်မှာ လက်နက်ခဲယမ်း ၇၅ ကီလိုဂရမ်လောက်ကို တင်ဆောင်နိုင်ကြောင်း၊ ဒါပေမဲ့ အသေးစိတ် အချက်အလက်တွေကိုတော့ ကြေညာလို့ မရကြောင်း ကုမ္ပဏီက ပြောပါတယ်။

ကုမ္ပဏီဟာ လက်ရှိ နမူနာအဆင့် ဒရုန်းတွေကို တတ်နိုင်သမျှ ခပ်များများ ထုတ်လုပ်ဖို့ ကြိုးစားသွားမယ်လို့လည်း ပြောပါတယ်။ လေထဲမှာ ပျံသန်းမှုတွေ လက်တွေ့ စမ်းသပ် အကောင်အထည် ဖော်ပြီးတဲ့နောက် ဒုတိယ အဆင့်အနေနဲ့ တိုက်ပွဲဝင် အနေအထားအထိ မြှင့်တင်ဖို့လည်း ရည်ရွယ်ထားပါတယ်။ ပြည်တွင်းဖြစ် တိုက်ခိုက်ရေး ဒရုန်းအသစ်တွေ စမ်းသပ် ထုတ်လုပ်မှုကို ယူကရိန်း လေတပ်က အဓိက ဦးဆောင်ထားပါတယ်။

Public Service Announcement

Public Service Announcement

ပြီးခဲ့တဲ့နှစ် အောက်တိုဘာလတုန်းက Ukroboronprom State Concernဟာ တိုက်ခိုက်ရေး ဒရုန်းအသစ်တစ်မျိုး တီထွင် တည်ဆောက်နေကြောင်း ကြေညာခဲ့ဖူးပါတယ်။ ဒီဇင်ဘာလမှာတော့ ကီလိုမီတာ ၁၀၀၀ လောက်ထိ ခရီးပေါက်အောင် ပျံသန်းနိုင်တဲ့ ဒရုန်းအသစ်ကို အောင်မြင်တဲ့ စမ်းသပ်မှု အကြိမ်အတော်များများ ပြုလုပ်ခဲ့ပြီးကြောင်း နောက်ဆက်တွဲ ထုတ်ပြန်ပါတယ်။

ရုရှားဟာ ယူကရိန်းကို ကျူးကျော်တဲ့ စစ်ပွဲမှာ အီရန်လုပ် ဖောက်ခွဲရေး ဒရုန်းတွေကို စျေးသက်သက်သာသာနဲ့ ဝယ်ယူပြီး အုံနဲ့ကျင်းနဲ့ အသုံးချခဲ့ပါတယ်။ ယူကရိန်း အနေနဲ့ အနောက်နိုင်ငံတွေဆီက ဒရုန်း အထောက်အပံ့တချို့ ရခဲ့ပေမယ့်လည်း ရုရှားကို ယှဉ်ဖို့ ခက်ခဲနေဆဲဖြစ်ပြီး အခုလို ပြည်တွင်းဖြစ် ဒရုန်းတွေ အများအပြား ထုတ်လုပ်နိုင်ရင်တော့ ဒရုန်းစစ်ဆင်ရေး ချိန်ခွင်လျှာကို ပိုပြီး ညီမျှလာစေမှာ ဖြစ်ပါတယ်။

ဆက်စပ်သတင်းများ

သတင်း

စဉ့်ကူးမြို့တိုက်ပွဲတွင် ဧရာဝတီမြစ်အတွင်း ဆီပုံးများဖြင့် ထွက်ပြေးသွားသော ဗိုလ်အဆင့်အရာရှိနှစ်ဦးအပါအဝင် စစ်ကောင်စီတပ်ဖွဲ့ဝင် ခုနစ်ဦးကို ယမန်နေ့(ဇူလိုင် ၁၈ရက်)ညနေက ဖမ်းမိထားသည်။

သတင်း

မန္တလေးတိုင်း၊ မြင်းခြံ​မြို့အထွက် မြင်းခြံ - တောင်သာလမ်းပိုင်းရှိ တိုးဂိတ်၌ တပ်စွဲထားသော စစ်ကောင်စီတပ်သားများ တိုက်ခိုက်ခံရမှုအတွင်းစစ်အုပ်စုဝင်များ ထိခိုက်သေဆုံးမှာရှိကြောင်း ဒေသကာကွယ်ရေးအဖွဲ့များက ဇူလိုင် ၁၇ရက်တွင် သတင်းထုတ်ပြန်သည်။

သတင်း

စစ်ကိုင်းတိုင်း၊ ရွှေဘိုမြို့နယ်၊ ညောင်ကိုင်းပျူစောထီးရွာအနီးတွင် ကင်းစောင့်ရန်ထွက်လာသော စစ်အုပ်စုဝင်များအား ပစ်ခတ်တိုက်ခိုက်ရာ လေးဦးသေဆုံးပြီး သေနတ်၂လက်နှင့် ခဲယမ်းများသိမ်းဆည်းနိုင်ခဲ့ကြောင်း ဗိုလ်ကျားရိုင်း ပြည်သူ့ကာကွယ်ရေးတပ်ဖွဲ့ - ရွှေဘို၏ ပြန်ကြားရေးတာဝန်ခံက ပြောသည်။

သတင်း

တပ်မဟာ(၄)နယ်မြေ ဘိတ်-ထားဝယ်ခရိုင်တွင် အခြားသော KTLA တပ်ဖွဲ့များရှိသော်လည်း ဗိုလ်ကော်လာဖိုး တပ်ဖွဲ့နှင့်သာ ပြဿနာဖြစ် နေသည်ဟု ပဒိုစောအယ်နားက ပြောသည်။