Connect with us

Hi, what are you looking for?

LuduNwayOo

နိုင်ငံတကာ

⁨နယ်သာလန်က လေဆိပ်တစ်ခုမှာ လေယာဉ် အင်ဂျင်ထဲ စုပ်ယူခံရပြီး လူတစ်ဦးသေဆုံး

နယ်သာလန် မီဒီယာတွေကတော့ သေဆုံးသူဟာ လေယာဉ် မထွက်ခွာမီ လိုအပ်တာတွေ ပြင်ဆင်ပေးရတဲ့ လေဆိပ်ဝန်ထမ်း တစ်ယောက်ယောက် ဖြစ်နိုင်တယ်လို့ ခန့်မှန်း ဖော်ပြနေကြပါတယ်။

⁨နယ်သာလန်က လေဆိပ်တစ်ခုမှာ လေယာဉ် အင်ဂျင်ထဲ စုပ်ယူခံရပြီး လူတစ်ဦးသေဆုံး
⁨နယ်သာလန်က လေဆိပ်တစ်ခုမှာ လေယာဉ် အင်ဂျင်ထဲ စုပ်ယူခံရပြီး လူတစ်ဦးသေဆုံး

နယ်သာလန်နိုင်ငံက လေဆိပ်တစ်ခုမှာ လူတစ်ဦး လေယာဉ် ဂျက်အင်ဂျင်ထဲ ဆွဲစုပ်ခံရပြီး သေဆုံးသွားတာကို ခရီးသည်တချို့ ကိုယ်တွေ့ မြင်လိုက်ကြရပါတယ်။

မေလ ၂၉ ရက်နေ့က တော်ဝင်ဒတ်ချ် လေကြောင်းလိုင်းရဲ့ ခရီးစဉ်အမှတ် KL1341 လေယာဉ်ဟာ အမ်စတာဒမ် မြို့တော်မှာရှိတဲ့ ရှီဖိုလ် လေဆိပ်မှာ ရှိနေပြီး ဒိန်းမတ်နိုင်ငံ၊ ဘီလ်အွန်မြို့ဆီ ဦးတည် ပျံသန်းဖို့ ပြင်ဆင်နေချိန်မှာ ဆိုးရွားတဲ့ လူသေမှု ဖြစ်ခဲ့တာပါ။

ဖြစ်ရပ်ဆိုးကို မျက်ဝါးထင်ထင် မြင်လိုက်တဲ့ ခရီးသည်တွေနဲ့ လေယာဉ် အမှုထမ်းတွေကို ဂရုတစိုက် နှစ်သိမ့် ကူညီပေးနေသလို ဖြစ်စဉ်ကိုလည်း စုံစမ်းစစ်ဆေးမှုတွေ စတင်လုပ်ဆောင်နေပြီလို့ လေကြောင်းလိုင်းက ထုတ်ပြန်ခဲ့ပါတယ်။

နယ်သာလန်ရဲ့ တပ်ထိန်း ရဲတပ်ဖွဲ့ကလည်း သီးခြား စုံစမ်းမှုတွေ အစပြုနေပြီလို့ အတည်ပြုခဲ့ပါတယ်။ လူသေမှုအပြီး လေယာဉ်ပေါ်မှာ ရှိနေတဲ့ ခရီးသည်တွေနဲ့ အမှုထမ်းတွေ အားလုံးကို ရွှေ့ပြောင်းခဲ့ရပါတယ်။

Public Service Announcement

Public Service Announcement

သေဆုံးသူ ဘယ်သူဘယ်ဝါ ဆိုတာကို မသိရသေးသလို အခုကိစ္စဟာ မတော်တဆလား၊ သေကြောင်းကြံစည်မှုလား ဆိုတာကိုလည်း ပြောဖို့ စောလွန်းနေသေးတယ်လို့ ရဲတပ်ဖွဲ့ တာဝန်ရှိသူ တစ်ဦးက Reuters သတင်းဌာနကို ပြောကြားခဲ့ပါတယ်။

နယ်သာလန် မီဒီယာတွေကတော့ သေဆုံးသူဟာ လေယာဉ် မထွက်ခွာမီ လိုအပ်တာတွေ ပြင်ဆင်ပေးရတဲ့ လေဆိပ်ဝန်ထမ်း တစ်ယောက်ယောက် ဖြစ်နိုင်တယ်လို့ ခန့်မှန်း ဖော်ပြနေကြပါတယ်။

ရှီဖိုလ်ဟာ ဥရောပရဲ့ လေယာဉ်နဲ့ ခရီးသည် အဝင်အထွက် အများဆုံး လေဆိပ်တွေထဲက တစ်ခုဖြစ်ပါတယ်။ မကြာသေးခင်က Rapအဆိုတော် နစ်ကီမာနက်ဂျ်က ရှီဖိုလ်လေဆိပ်မှာ အဖမ်းခံခဲ့ရလို့ နိုင်ငံတကာ သတင်းခေါင်းကြီးပိုင်းတွေပေါ် ရောက်ခဲ့ပါသေးတယ်။ ပြီးခဲ့တဲ့ လကတင် ရှီဖိုလ်မှာ ခရီးသည် အဝင်အထွက် ၅ သန်းခွဲလောက် ရှိခဲ့တယ်လို့ ဆိုပါတယ်။

မနှစ်တုန်းကလည်း အမေရိကန်နိုင်ငံ၊ တက္ကဆက်စ်ပြည်နယ်၊ ဆန်အန်တိုနီယိုမြို့မှာ Delta လေကြောင်းလိုင်းရဲ့ လေယာဉ် တစ်စီး အင်ဂျင်ထဲ စုပ်ယူခံရလို့ အသက် ၂၇ နှစ်အရွယ် လေဆိပ်အမှုထမ်းတစ်ဦး သေဆုံးခဲ့ဖူးပါတယ်။

ကိုးကား: CNA⁩

ဆက်စပ်သတင်းများ

နိုင်ငံတကာ

ကနေဒါကနေ လာရောက်တဲ့ မွတ်ဆလင် ဝတ်ပြု ခရီးသည် တစ်ဦးကတော့ ရုပ်ပိုင်းဆိုင်ရာအရ အပူဒဏ်က အရမ်းဆိုးရွားတာ မှန်ပေမယ့် ယုံကြည်ကိုးကွယ်မှုမှာ စိတ်ဆောင်နေလို့ တတ်နိုင်သမျှ အပူဒဏ်ကို မေ့ဖျောက်ထားကြတယ်လို့ ပြောပါတယ်။

သတင်း

ဇီးကုန်းရွာနေ (၈)နှစ်အရွယ် ကလေးငယ်တစ်ဦးနှင့် ကျွန်းဦးရွာနေ အမျိုးသားတစ်ဦးပါ လက်နက်ကြီးထိမှန် သေဆုံးခဲ့ကြောင်း ဒေသခံများက ပြောသည်။

သတင်း

KNU ညောင်လေးပင်ခရိုင်(ခလယ်လွီထူခရိုင် ) လယ်ဒို မြို့နယ်အတွင်း စစ်ကောင်စီ လက်နက်ကြီးပစ်ခတ်၍ ဇွန်လ ၁၁ရက် နေ့လယ်ပိုင်းတွင် ဟင်္သာဝဲအုပ်စု ဟင်္သာဝဲကျေးရွာအတွင်းကျရောက် ပေါက်ကွဲကာ အမျိုးသားတစ်ဦး ဒဏ်ရာရခဲ့သည်။

နိုင်ငံတကာ

ဂါဇာ ကျန်းမာရေး ဝန်ကြီးဌာနက အစ္စရေးရဲ့ နှစ်နာရီကြာ စစ်ဆင်ရေးအတွင်း သေဆုံးခဲ့သူ ၂၇၄ ဦးအနက် ၈၆ ဦးရဲ့ နာမည်စာရင်းကို ထုတ်ပြန်ခဲ့ပြီး ဖြစ်ပါတယ်။