ဖေဖော်ဝါရီ – ၂၈ ၊၂၀၂၆
အီရန်စစ်တပ်ကိုဖျက်ဆီးပြီးအစိုးရကိုဖြုတ်ချမယ်လို့သမ္မတဒေါ်နယ်ထရမ့်ကအီရန်ကိုအမေရိကန်ကတိုက်ခိုက်ပြီဖြစ်ကြောင်းအသိပေးပြောကြားတဲ့ ရုပ်သံမိန့်ခွန်းမှာ ထည့်သွင်းပြောကြားလိုက်ပါတယ်။
အီရန်မှာအမေရိကန်က အကြီးစားစစ်ဆင်ရေးတစ်ရပ်ကိုဆင်နွှဲနေတယ်လို့ လည်း ထရမ့်က သူရဲ့ လူမှုကွန်ရက် Truth မှာတင်ထားတဲ့ ရုပ်သံမိန့်ခွန်းမှာ ပြောထားပါတယ်။
မိန့်ခွန်းထဲမှာတော့ အီရန်အစိုးရ ရဲ့ စစ်အင်အားကိုဖျက်ဆီးပစ်ပြီး အာဏာပိုင်တွေကို ဖြုတ်ချမယ်ဆိုတာကို အသိပေးပြောကြားသွားပါတယ်။
Public Service Announcement
အီရန်ရဲ့ဒုံးကျည်ထုတ်လုပ်ရေးစခန်းတွေ နဲ့ အီရန်ရေတပ်ကိုလည်း ဖျက်ဆီးပစ်မှာဖြစ်ပြီး အမေရိကန်ရဲ့စစ်ရေးအရတိုက်ခိုက်မှုအပြီးမှာအီရန်ပြည်သူတွေအနေနဲ့ အစိုးရကို ဖြုတ်ချ ဖို့ ထရမ့်က တိုက်တွန်းသွားပါတယ်။
အီရန်အစိုးရကိုဖြုတ်ချဖို့အတွက်” ကျွန်တော်တို့စစ်ဆင်မှုပြီးရင် ၊ခင်ဗျားတို့ အစိုးရကို ကိုယ်တိုင်ဖြုတ်ချပါ၊ ဒါက ခင်ဗျားတို့ ရယူနိုင်မယ့် အခွင့်အရေးဖြစ်လိမ့်မယ်” လို့ ထရမ့်က အီရန်ပြည်သူတွေကိုရည်ညွှန်းပြီးပြောပါတယ်။
တဆက်တည်းမှာပဲ အီရန် တော်လှန်ရေးအစောင့်တပ်ဖွဲ့ အပါအဝင် အီရန် လက်နက်ကိုင်တပ်ဖွဲ့ လက်နက်ချဖို့ကိုလည်း ထရမ့်က တိုက်တွန်းပါတယ်။
ဖေဖော်ဝါရီလ ၂၈ ရက်မှာ အီရန်ကို အစ္စရေးက စတင်တိုက်ခိုက်ခဲ့ပြီးနောက်အမေရိကန်ကပါစစ်ပွဲထဲပါဝင်လာတာပါ။
အီရန်ကလည်း အရှေ့အလယ်ပိုင်းဒေသတွင်း ယူအေအီး ၊ ဘာရိန်း ၊ကာတာ ၊ ဆော်ဒီအာရေးဘီးယားနိုင်ငံတွေမှာရှိတဲ့ အမေရိကန်စစ်စခန်းတွေဆီဒုံးကျည်တွေနဲ့ တန်ပြန် တိုက်ခိုက်ပါတယ်။
ကိုးကား – CNA
