မေ – ၁၃ ၊၂၀၂၆
အမေရိကန်သမ္မတဒေါ်နယ်ထရမ့်ဟာဒီနေ့ ( မေလ ၁၃ရက် )ညနေပိုင်းမှာ တရုတ်နိုင်ငံ၊ဘေကျင်းမြို့တော်ဆီသမ္မတစီးတော်ယာဉ် Airforce One လေယာဉ်နဲ့ ရောက်ရှိလာပါတယ်။
ထရမ့်ကိုတရုတ်ဒုတိယသမ္မတကလေယာဉ်ကွင်းမှာလာရောက်ကြိုဆိုတာတွေ့ရပါတယ်။
ထရမ့်ရဲ့ခရီးစဉ်ဟာမေလ ၁၃ရက်ကနေ၁၅ ရက်အထိကြာမြင့်မှာဖြစ်ပြီး သမ္မတရှီကျင့်ဖျင်နဲ့ တွေ့ဆုံမယ်လို့တရုတ်အစိုးရပိုင်ဆင်ဟွာသတင်းဌာနက ဖော်ပြထားပါတယ်။
Public Service Announcement
သမ္မတနှစ်ဦးဟာအီရန်စစ်ပွဲအရေး၊ထိုင်ဝမ်ကိစ္စ၊ဉာဏ်ရည်တုနည်းပညာ (AI) အနာဂတ်၊ နျူကလီးယား စစ်လက်နက်တွေ ထိန်းချုပ်မှု စတဲ့ကဏ္ဍပေါင်းစုံကို ညှိနှိုင်း ဆွေးနွေးသွားမယ်လို့ ဆင်ဟွာက ဆိုပါတယ်။
အမေရိကန်မှာထရမ့်ဒုတိယအကြိမ်သမ္မတဖြစ်လာတဲ့နောက်တရုတ်အပေါ်ပစ်မှတ်ထားဖိအားပေးတဲ့ကုန်သွယ်ရေးမူဝါဒတွေကျင့်သုံးခဲ့တာကြောင့် နှစ်နိုင်ငံ တင်းမာမှုတွေ ဖြစ်ခဲ့ပါသေးတယ်။
နောက်တော့ထရမ့်နဲ့ ရှီတို့နှစ်ဦးသားမျက်နှာစုံညီစည်းဝေးခဲ့ပြီးကုန်သွယ် ရေးအရ ဆက်ဆံရေး အေးစက်နေမှုတွေကို ပြန်လည် တည်ငြိမ်အောင် ကုစားနိုင်ဖို့ သဘောတူခဲ့ကြပါတယ်။
အခုတစ်ခေါက်တွေ့ဆုံမယ့်ကိစ္စဟာခြောက်လအတွင်းပထမဆုံးအကြိမ် သူတို့နှစ်ဦး လူချင်းတွေ့ပြီး စကားပြောဆိုမှုလည်း ဖြစ်လာမှာပါ။
ထရမ့်ဟာမေလ ၁၃ ရက်နေ့မှာဘေဂျင်းကိုရောက်ရှိပြီး ၁၄ရက် နဲ့ ၁၅ ရက်တွေမှာတော့ရှီနဲ့ တွေ့ဆုံ ဆွေးနွေးကြမယ်လို့ ယူဆရပါတယ်။ပြီးတော့ဒါဟာ ၂၀၁၇ နောက်ပိုင်း သူ့ရဲ့ပထမဆုံးအကြိမ်တရုတ်မြေမှာခြေချမှုအနေနဲ့လည်း မှတ်တမ်းဝင်လာမှာပါ။
