ရတနာပုံတံတားအနီးမှာ တပါတ်အတွင်း စစ်​ကောင်စီက အမျိုးသား၁၀၀ခန့်ကို ​​ပေါ်တာဆွဲ

ရှိန်း/People’s Spring

စစ်ကိုင်းတံတားမှာ ဒီရက်ပိုင်းအတွင်း ပေါ်တာဆွဲဖမ်းဆီးတာတွေပြန်လုပ်လာပြီး တပါတ်အတွင်းလူငယ်နဲ့သက်လတ်ပိုင်းအမျိုးသား၁၀၀ခန့်အထိ ဖမ်းဆီးခံလိုက်ရတယ်လို့ဒေသခံ က​ပြောပါတယ်။

ဖေဖော်ဝါရီလ နောက်ဆုံးအပတ်ကစပြီးမန္တလေး-စစ်ကိုင်းဆက်သွယ်ထားတဲ့ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ရတနာပုံမြစ်ကူးတံတားမှာ ပေါ်တာဆွဲတာ တွေဆက်တိုက်ပြုလုပ်ခဲ့တာလို့ဒေသခံ​တွေကပြောပါတယ်။

“တကယ်ကို ဆွဲတာပါဗျာ။ကားစပါယ်ရာကိုကား ပေါ်က နေဒီအတိုင်းကိုဆွဲချသွားတာ”လို့ ​ဒေသခံတစ်ဦးက ​ပြောပါတယ် ။

Public Service Announcement

ယာဥ်​နောက်လိုက်နှင့်အတူ အခြားအမျိုးသားများကိုပါ စစ်​ကောင်စီက အဓမ္မ​ခေါ်​ဆောင်သွား​ပြီး မိသားစုဝင်နှင့် မိတ်​ဆွေများက လိုက်ထုတ်ရန်ကြိုးစား​သော်လည်း မရ​ကြောင်း ​အထက်ပါ​ဒေသခံက​ ဆက်ပြောပါတယ်။ဖမ်းဆီးခံလိုက်ရတဲ့ အမျိုးသား တဦးဟာ အသက်၁၇နှစ်အရွယ်သာရှိ သေးတယ်လို့​ဒေသခံက​ပြောပါတယ်။

ဒါ့အပြင် စစ်ကိုင်းတံတားကနေ မန္တလေးဘက်ကိုဆင်းတဲ့ နှာ ပေါက်အထွက်မှာလည်းဆိုင်ကယ်နဲ့ သွားလာ နေတဲ့အမျိုးသား တွေကို တခါထဲဖမ်းဆီးပြီးစစ်သားသစ်အဖြစ်စု​ဆောင်း​နေလို့​ဒေသခံအချို့က​ပြောပါတယ်။

မတ်လ ၁ရက်နေ့က မန္တ​လေးကိုဆိုင်ကယ်နဲ့ သွားတဲ့ လင်မယား ၂ ဦးမှာ ခင်ပွန်းဖြစ်သူကို စစ်​ကောင်စီ တပ်ဖွဲ့ဝင်​တွေက နှာ​ပေါက်အထွက်မှာဖမ်းဆီးခဲ့တယ်လို့ ​ဒေသခံအချို့က ​ပြောပါတယ်။

စစ်သားစု​ဆောင်းခံရသူရဲ့ ဇန်းကငိုယိုပြော​ပေမယ့်မရဘူးလို့ ​ဒေသခံတဦးကပြောပါတယ်။

အဲဒီလိုအဓမ္မဖမ်းဆီးခံရသူတွေကိုစစ်​ကောင်စီက စစ်ကိုင်းတပ်မ (၃၃) အတွင်းမှာ ဆေးစစ်ဖို့လုပ် နေတယ်လို့လည်းစုံစမ်းသိရပါတယ်။

စစ်မှုထမ်းအပါတ်စဉ် (၁၀ )ကိုစစ်တပ်က ခေါ်ယူအပြီးတစ်လနီးပါးအကြာမှာ စစ်သားသစ်အတွက် ထပ်မံ ပေါ်တာစွဲဖမ်းဆီးတာ တွေပြုလုပ် နေတာပါ။

စစ်​ကောင်စီက လူငယ်​တွေကို အဓမ္မဖမ်းဆီး ပြီးစစ်သင်တန်းတက်ခိုင်းပြီး သင်တန်းဆင်းတာနဲ့ ​ရှေ့တန်းကိုပို့စစ်တိုက်ခိုင်းတာမှာ​သေဆုံး ဒဏ်ရာရသူ ၊ထွက်​ပြေးသူ ၊ ​တော်လှန်​ရေးအဖွဲ့​တွေထံမှာအလင်းဝင်သူ​တွေ အများအပြားရှိ​နေတယ်လို့​တော်လှန်​ရေးအဖွဲ့​တွေက ​ပြောပါတယ် ။