ကရင်နီပြည်နယ်၊ မော်ချီးမြို့ကို စစ်ကောင်စီက လေကြောင်းမှဗုံးကြဲတိုက်ခိုက်၍ အရပ်သား နှစ်ဦးသေဆုံးခဲ့ရကြောင်း သတင်းရရှိသည်။
ယနေ့(မတ်လ ၇ရက်)နေ့လည် ၁နာရီခွဲခန့်တွင် စစ်ကောင်စီက မော်ချီးမြို့အဝင်အမှတ်(၂)ဂိတ်ဝန်းကျင်ကို တိုက်ခိုက်ခဲ့ခြင်းဟု ဆိုသည်။
“ဒေသအခေါ်အဝေါ်အရဆိုရင် မော်ချီးအမှတ်(၂)ဂိတ် ပတ်ဝန်းကျင်ဘက်မှာပေါ့။ထိခိုက်မှုရှိတယ်ပြောနယ်။သုံးယောက်တော့ထိတယ်ကြားတယ်”ဟု ကရင်နီလူ့အခွင့် အရေးအဖွဲ့ ဦးဆောင်သူ ဦးဗညာက လူထုနွေဦး သို့ပြောသည်။
Public Service Announcement
စစ်ကောင်စီ ဗုံးကြဲတိုက်ခိုက်မှုတွင် နေအိမ်ကျ၍ ပြည်သူနှစ်နှစ်ဦး သေဆုံးခဲ့ရကြောင်း ကရင်နီဒေသတွင်း စစ်ရှောင်အရေးကူညီနေသူတစ်ဦး ပြောသည်။
“တိုက်ပွဲမရှိဘူး။ လေကြောင်းကနေ ကြဲချင်တိုင်းလာ ကြတာ”ဟု ၎င်းက ပြောသည်။
လက်တလောစစ်ရေးအခြေအနေအရ မော်ချီး ၊ ဒီးမော့ဆိုနှင့် ဖားဆောင်းမြို့အနီးဝန်းကျင်မှာ လေကြောင်းရန် အန္တရာယ်ရှိကြောင်းလည်း စစ်ဘက်သတင်းရင်းမြစ်အချို့က သတိပေးသည်။
ထို့ကြောင့် ဗုံးခိုကျင်းမရှိသေးသည့် စစ်ဘေးရှောင်စခန်းများနှင့် စစ်ဘေးရှောင်စာသင်ကျောင်းများ ဗုံးခိုကျင်တူးကြရန်လည်း တိုက်တွန်းသည်။
ခဲမဖြူ နှင့်အဖြိုက်နက် သတ္ထုများထွက်ရှိရာ မော်ချီးမြို့ကို ကရင်နီတပ်ပေါင်းစုက ၂၀၂၄ ဇန်နဝါရီ ၂၇ရက်က အလုံးစုံထိန်းချုပ်ထားသည်။
ထို့အပြင် မော်ချီးမြို့အနီးရှိ ဖားဆောင်းမြို့အခြေစိုက် စစ်ကောင်စီ တပ်နှစ်ခုကိုလည်း ကရင်နီတပ်ပူးပေါင်းတပ် များက ပိတ်ဆို့ထားသည်။
