အင်းတော်စစ်ကူသွား​​သောစစ်​ကြောင်း ပျက်​သွားပြီး​နောက် ခမရ(၃၀၉)ကို ရဟတ်ယာဉ်ဖြင့် အင်အားထပ်ဖြည့်

မတ်-၂၀၊၂၀၂၅။မိထက်/People’s Spring

အင်း‌တော်တို့စစ်ကူသွား​သောစစ်တပ်စစ်​ကြောင်း အင်း​တော်နှင့် ကသာမြို့နယ်ကြားတွင် စစ်ကြောင်းပျက်သည်အထိ တိုက်ခိုက်ခံရပြီးနောက် စစ်ကောင်စီက အမှတ် (၃၀၉)ခြေမြန်တပ်ရင်း(ခမရ-၃၀၉)ထဲသို့ ရဟတ်ယာဉ်ဖြင့် အင်အားဖြည့်နေသည်။

မတ်လ ၁၆ရက်မှစ၍ ကသာမြို့မှ ခမရ(၃၀၉)အတွင်းသို့ ရဟတ်ယာဉ် ငါးကြိမ်ဆင်းသက်ခဲ့ပြီး လူနှင့်လက်နက်ခဲယမ်းများပို့နေသည်ဟု PDFတဦးကပြောသည်။

“ရေလမ်းရော၊ ကုန်းလမ်းရော သုံးမရတော့ လေကြောင်းကနေ အင်အားပြန်ဖြည့်နေတာ။ ဒီတခါလည်း စစ်သင်တန်းဆင်းတွေပိုများတယ်။ တပ်ရှေ့ကိုတော့ ဘယ်သူ့ကိုမှဖြတ်ခွင့်မပေးဘဲကြိတ်လုပ်နေကြတယ်”ဟု အထက်ပါ ပြည်သူ့ကာကွယ်ရေးတပ်ဖွဲ့ဝင်ကပြောသည်။

Public Service Announcement

မတ်လ ၁၅ရက်က ​တော်လှန်​ရေးတပ်များက ပိတ်ဆို့၍ မြိူ့သိမ်းတိုက်ပွဲဆင်နွှဲ​နေ​သော အင်း​တော်မြို့သို့ စစ်ကူသွားရန် ခမရ(၃၀၉)မှ ထွက်လာသည့်အင်အား ၁၀၀ ခန့်ပါ စစ်ကောင်စီတပ်စစ်ကြောင်းအား အင်း‌တော်နှင့်ကသာမြို့နယ်ကြားတွင် KIA ၊ PDF နှင့်ပေါင်းတပ်ဖွဲ့များက ကြားဖြတ်တိုက်ခိုက်ခဲ့သည်။အရာရှိအချို့အပါအဝင် စစ်သုံ့ပန်း၂၉ဦးဖမ်းမိပြီး၄၀ဦးခန့် သေဆုံးခဲ့သည်။

စစ်သုံ့ပန်း ၂၉ဦး၌ စစ်မှုထမ်းဥပဒေဖြင့်စစ်သားစုဆောင်းခံရသူအချို့နှင့်အရာရှိအချို့ပါဝင်သည်။

“သုံ့ပန်းစစ်ဆေးနေဆဲပဲ။အဖမ်းခံရတော့လည်း သူတို့မှာလုံးဝအပြစ်မရှိသလို ပြောတယ်ဗျာ။ ကြောက်လည်းကြောက်တတ်ကြတယ်”ဟု ကာကွယ်ရေးရဲဘော်တစ်ဦးကပြောသည်။

မတ်လ ၁၅ရက်က တိုက်ပွဲအတွင်း ပြည်သူ့ကာကွာကွယ်ရေးတပ်ဘက်မှ ထိခိုက်သူအချို့ရှိခဲ့သည်။အင်းတော်မြို့သိမ်းတိုက်ပွဲကို ABSDF ၊ PDF နှင့် ပူး​ပေါင်းတပ်များက ၂၀၂၄ မှစ၍တိုက်ခိုက်​နေဖြစ်သည်။