■အင်ဂျင်နီယာတွေက နေထိုင်ရန်မသင့်ကြောင်းမှတ်ချက်ပေးတဲ့ အဆောင်တွေမှာ အကျဉ်းသားတွေကို ဆက်ထားတယ်လို့ဆို
ဧပြီ ၆၊၂၀၂၅။မေ/People’s Spring
အင်အားပြင်းငလျင်ဒဏ်ကြောင့် မန္တလေးအိုးဘိုအကျဉ်းထောင်မှာ အဆောင်တွေ ပြိုကျလုနီးပါးတွေဖြစ်နေပြီး အင်ဂျင်နီယာတွေစစ်ဆေးတာမှာ နေထိုင်ရန်မသင့်ကြောင်းမှတ်ချက်ပေးသွားတဲ့ အဆောင်တွေမှာ အကျဉ်းသားတွေကို ဆက်လက်ထားရှိတယ်လို့ နိုင်ငံရေးအကျဉ်းသားမိသားစုဝင်တွေက ပြောပါတယ်။
ယာယီအမျိုးသားအဆောင်၊အမျိုးသမီးအဆောင်(၁)နဲ့အဆောင်(၂)တို့ဟာ နံရံတွေ အက်ကွဲကြောင်းထကာ အုတ်တွေပြိုနေတာ၊ထုတ်တန်းတွေ ကွဲတာ၊ယိုက်တာတွေဖြစ်နေတယ်လို့ သိရပါတယ်။
Public Service Announcement
“ယာယီအမျိုးသားအဆောင်က အဆိုးဆုံးပဲ။အဆောင်အပြင်ဘက်မှာ နေထိုင်ခွင့်တောင်းတော့ တောင်းဆိုရအောင် မင်းတို့ကပြည်သူတွေမဟုတ်ဘူးလို့ တာဝန်ရှိသူတွေကပြန် ပြောတယ်”လို့ နိုင်ငံရေးအကျဉ်းသားတစ်ဦးရဲ့ စကားကို မိသားစုဝင်ကပြန် ပြောပြပါတယ်။
ဒါ့အပြင် အဲဒီအဆောင်တွေမှာ လူဦး ရေ၁၂၀ဆန့်ပေမယ့် ၁၉၀အထိ နေခိုင်းထားတယ်လို့လည်း သိရပါတယ်။
အကျဉ်းထောင်ဝန်ထမ်းတွေကတော့ အချုပ်ဆောင်တွေအတွင်းမနေဘဲ အပြင်မှာပဲ နေထိုင်ကာ ရာဇဝတ်မှုနဲ့ ထောင်ကျနေသူတွေကို အကျဉ်းသားစီမံအုပ်ချုပ်ရေးအဖွဲ့ ဖွဲ့ကာ စောင့်ကြည့်ခိုင်းတယ်လို့သိရပါတယ်။
ဒါ့အပြင် စားကြွင်း၊စားကျန်နဲ့ အမှိုက်တွေ မပစ်ရတာမို့ ဝမ်းလျောရောဂါ တွေလည်းဖြစ် နေတယ်လို့ ဆိုပါတယ်။
