'/%3E%3C/svg%3E){kind=small}
မေ-၃၀၊၂၀၂၅။People’s Spring
ဝပြည် သွေးစည်းညီညွတ်ရေးတပ် (UWSA)ကို ထိုင်းနိုင်ငံရဲ့ ရန်သူလို့ စွပ်စွဲပြောဆိုခဲ့တဲ့စကားအတွက် UWSA ဆီက အငြှိုးထားလာမှာကို ကြောက်လန့်နေမှာ မဟုတ်ကြောင်းထိုင်းဝန်ကြီးချုပ်ဟောင်းသက်ဆင်ရှီနာဝတ်ထ်ကပြောပါတယ်။
အခုသီတင်းပတ်ထဲမှာ သက်ဆင်က UWSA အပါအဝင် ထိုင်းနိုင်ငံကို မူးယစ်ဆေးဝါး မှောင်ခိုတင်သွင်းနေတဲ့ အစုအဖွဲ့ အားလုံးကို ထိုင်းနိုင်ငံရဲ့ ရန်သူအဖြစ် သတ်မှတ်ရမယ်လို့ ကြုံးဝါးခဲ့ပါတယ်။ နောက်ပြီး ထိုင်းကို ဝင်ရောက်လာတဲ့ မူးယစ်ဆေး အများအပြားဟာ UWSAဆီက မြစ်ဖျားခံတယ်လို့ သူက စွပ်စွဲခဲ့ပါတယ်။
UWSAကသက်ဆင်ရဲ့ စွပ်စွဲချက်တွေကို အပြင်းအထန် ငြင်းဆိုထားခဲ့ပါတယ်။ မေလ ၃၀ ရက်နေ့မှာတော့ သက်ဆင်က UWSAနဲ့ ပတ်သက်လို့ သူ့ရဲ့ စွပ်စဲချက်ကို ရုပ်သိမ်းမှာ မဟုတ်ဘူးလို့ ထပ်ပြောခဲ့ပြီး အဲဒီအတွက် UWSAဖက်က ဘယ်လိုပဲ တုံ့ပြန်ပါစေ၊ ကြောက်လန့်နေမှာ မဟုတ်ဘူးလို့ ပြောပါတယ်။
Public Service Announcement
အိမ်နီးချင်းမြန်မာနိုင်ငံမှာ အခြေစိုက်တဲ့တိုင်းရင်းသား လက်နက်ကိုင် တပ်ဖွဲ့အနေနဲ့ ဆန္ဒရှိရင် သူကို ပစ်မှတ်ထားလုပ်ကြံဖို့ ဆုငွေထုတ်ရင်လည်းရတယ်လို့ သက်ဆင်က ဆိုပါတယ်။
ထိုင်းဝန်ကြီးချုပ်ဖေထောင်ထန် ရှီနာဝတ်ထ်ရဲ့ဖခင်ဖြစ်သူ သက်ဆင်က UWSAကိစ္စနဲ့ ပတ်သက်ရင် ဖိဖိစီးစီး ထိန်းချုပ်ပေးဖို့ တရုတ်အစိုးရနဲ့ မြန်မာ စစ်ကောင်စီကို အရင်ဆုံး တောင်းဆိုသင့်ပြီး အဲဒီကိစ္စ အဆင်မပြေရင်တော့ ထိုင်းအစိုးရကိုယ်တိုင် ကိုယ့်လက်ကိုယ့်ခြေနဲ့ ဖြေရှင်းသင့်တယ်လို့လည်း ပြောကြားထားပါတယ်။
ကိုးကား-Khaosod
