မကွေးတိုင်း ဆောမြို့နယ်တွင် အကြမ်းဖက် စစ်ကောင်စီယန္တရားအား အပြီးအပိုင် စွန့်ခွာကြောင်း ခံဝန်ချက် ပေးပို့လာသည့် ဌာနပေါင်းစုံမှ ဝန်ထမ်း ၃၃၃ဦး ရှိပြီဖြစ်ကြောင်း ဆောမြို့နယ် ပြည်သူ့အုပ်ချုပ်ရေးအဖွဲ့က ထုတ်ပြန်သည်။
အကြမ်းဖက် စစ်ကောင်စီအား စွန့်ခွာလာကြသော ဝန်ထမ်းများ စာရင်းကို ဆောမြို့နယ် ပြည်သူ့အုပ်ချုပ်ရေးအဖွဲ့က နိုဝင်ဘာ ၂၂ရက်တွင် ထုတ်ပြန်လိုက်ခြင်းဖြစ်သည်။
အကြမ်းဖက် စစ်ကောင်စီ ယန္တရားအား အပြီးအပိုင် စွန့်ခွာကြောင်း ခံဝန်ချက်နှင့်အတူ ဆောမြို့နယ် ပြည်သူ့အုပ်ချုပ်ရေး အဖွဲ့မှ တစ်ဆင့် ဆောမြို့နယ် ဌာနပေါင်းစုံ CDM ဦးဆောင်ကော်မတီထံသို့ အစီရင်ခံ တင်ပြလာကြသည့် ဝန်ထမ်းများမှာ ပညာရေးဌာနမှ ၂၅၂ ဦး၊ကျန်းမာရေး ၃ဦး၊ ထွေအုပ် ၁၃ဦး၊ စီးပွားရေးဘဏ် ၁ဦး၊ ရဲ ၁ဦး၊ ကျေးလက် ၁ဦး၊ စိုက်ပျိုးရေး ၁ဦး၊ သာသနာရေး ၅ဦး၊ လေကြောင်း ၁ဦး၊ နတလ ၁ဦး၊ ပြန်ဆက် ၁ဦး၊ သမဝါယမ ၅ဦး၊ မီးသတ် ၂ဦး၊ မြေစာရင်း ၄ဦး၊ သစ်တော ၁၄ဦး၊ စည်ပင် ၁ဦးတို့ ဖြစ်သည်ဟုဆိုသည်။
ဆောမြို့နယ် ပြည်သူ့အုပ်ချုပ်ရေးအဖွဲ့ထံသို့ ခံဝန်ပေးပို့တင်ပြသူများသည်သာ အကြမ်းဖက် စစ်ကောင်စီ ယန္တရား စွန့်ခွာသူများအဖြစ် တရားဝင်မည်ဖြစ်ကြောင်း၊ စစ်ကောင်စီထံ နှုတ်ထွက်ကြောင်း စာတင်စေကာမူ ပြည်သူ့အုပ်ချုပ်ရေးအဖွဲ့ထံ ခံဝန် မပို့သူများအား စစ်ကောင်စီ လက်အောက်ခံ ဝန်ထမ်းများအဖြစ်သာ ဆက်လက်သတ်မှတ်ထားကြောင်း ထုတ်ပြန်ချက်၌ ဖော်ပြထားသည်။
Public Service Announcement
ထို့ပြင် နိုဝင်ဘာ ၂၂ရက်တွင် အကြမ်းဖက် စစ်ကောင်စီယန္တရားအား အပြီးအပိုင် စွန့်ခွာကြောင်း ခံဝန်ချက်နှင့်အတူ ဆောမြို့နယ် ဌာနပေါင်းစုံ CDM ဦးဆောင်ကော်မတီထံသို့အစီရင်ခံ တင်ပြလာသည့် ဝန်ထမ်း ၅ဦးကိုလည်း စစ်ကောင်စီအား အမှန်တကယ် စွန့်ခွာလာသူများ ဖြစ်ကြောင်း ထုတ်ပြန် ကြေညာခဲ့သည်။ ထိုသို့ ထုတ်ပြန်ရာတွှု် ဝန်ထမ်းအမည်၊ ဌာန နှင့် ရာထူး၊ တာဝန်ကျရာ မြို့/ရွာများကို ဖော်ပြ၍ ထုတ်ပြန်ကြေညာခဲ့ခြင်းဖြစ်သည်။
