- မယ်ဝါးခီးရွာဘက်က စစ်ကြောင်းထိုးလာတဲ့ BGFဗိုလ်တင်ဝင်းတပ်ဖွဲ့ အထိနာ
- ၄ရက်မြောက်နေ့တိုက်ပွဲ စစ်တပ်အလောင်းတွေပုံနေဟုသတင်းရင်းမြစ်ပြော
စက်တင်ဘာ-၂၅၊၂၀၂၅။နေ့သစ်/People’s Spring
ကရင်ပြည်နယ်၊ မြဝတီမြို့တောင်ဘက်ကလေးကေ့ကော်မြို့သစ်ကို စစ်ကြောင်းထိုးနေတဲ့ စစ်ကောင်စီတပ်ဟာ အထိနာနေလို့ ကရင် နယ်ခြားစောင့်တပ်(BGF)ရဲ့ တပ်ရင်းတချို့က ကူတိုက်ပေးနေတယ်လို့ KNUတပ်မဟာ(၆)နယ်မြေက တော်လှန်ရေးသတင်းရင်းမြစ်တွေကပြောပါတယ်။
စစ်တပ်စစ်ကြောင်းတွေကို ခုခံတိုက်ခိုက်နေတဲ့ တော်လှန်ရေးတပ်ဖွဲ့ဝင်တွေ။ ဓါတ်ပုံ-Screen Grab စစ်တပ်စစ်ကြောင်းတွေကို ခုခံတိုက်ခိုက်နေတဲ့ တော်လှန်ရေးတပ်ဖွဲ့ဝင်တွေ။ ဓါတ်ပုံ-Screen Grab စစ်တပ်စစ်ကြောင်းတွေကို ခုခံတိုက်ခိုက်နေတဲ့ တော်လှန်ရေးတပ်ဖွဲ့ဝင်တွေ။ ဓါတ်ပုံ-Screen Grab စစ်တပ်စစ်ကြောင်းတွေကို ခုခံတိုက်ခိုက်နေတဲ့ တော်လှန်ရေးတပ်ဖွဲ့ဝင်တွေ။ ဓါတ်ပုံ-Screen Grab
စစ်ကောင်စီတပ်ဟာ လေးကေ့ကော်မြို့သစ်ဆီကို စစ်ကြောင်း ၅ကြောင်းနဲ့ ထိုးစစ်ဆင်ရာမှာ BGFရဲ့ ဗိုလ်တင်ဝင်းအဖွဲ့က လေးကေ့ကော်ရဲ့ အရှေ့မြောက်ဘက် မယ်ဝါးခီးရွာဘက်ကနေ စစ်ကြောင်းကူထိုးလာပြီး BGFရဲ့ ဗိုလ်မုတ်သုန်အဖွဲ့ကလေးကေ့ကော်ရဲ့ အနောက်မြောက်ဘက်က ကျောက်ဂူရွာကနေ စစ်ကြောင်းကူထိုးလာတယ်လို့ တော်လှန်ရေးသတင်းရင်းမြစ်တွေကပြောပါတယ်။မယ်ဝါးခီးရွာဘက်က စစ်ကြောင်းထိုးလာတဲ့ ဗိုလ်တင်ဝင်းတပ်ဖွဲ့ အထိနာနေတယ်လို့ လူထုနွေဦးက စုံစမ်းသိရပါတယ်။
“သူတို့ကကူတိုက်ပေးနေတာလို့ သတင်းထွက်တာပေါ့။ သေချာသလောက်ပါပဲ။ဗိုလ်တင်ဝင်းရဲ့ လူတွေလည်းထိတယ်ကြားရတယ်”လို့တပ်မဟာ(၆)နယ်မြေက တော်လှန်ရေးသတင်းရင်းမြစ်တဦးက ပြောပါတယ်။
Public Service Announcement
စက်တင်ဘာ ၂၅ရက်မှာလည်း တိုက်ပွဲတွေပြင်းထန်နေပြီး တိုက်ပွဲအတွင်းမှာ သေဆုံးနေတဲ့ စစ်ကောင်စီတပ်သားအလောင်းတွေ စုပုံနေတယ်လို့လည်း ၎င်းက ဆက်ပြောပါတယ်။
လေးကေကော်မြို့သစ်ကိုရဖို့အတွက် စစ်ကောင်စီတပ်ဟာ စက်တင်ဘာ ၂၁ရက်ကစတင်ပြီး စစ်ကြောင်းထိုးလာတာဖြစ်ပါတယ်။ စက်တင်ဘာ ၂၃ရက်က လေးကေ့ကော်မြို့ဆီကို စစ်ကြောင်း ၅ ကြောင်းနဲ့ထိုးစစ်ဆင်ရာ နေရာသုံးနေရာမှာ တိုက်ပွဲတွေပြင်းထန်ခဲ့ပြီး စစ်တပ်ဘက်မှသေဆုံးဒဏ်ရာရသူများပြားပြီး အထိနာခဲ့တယ်လို့မြေပြင်မှာတိုက်ပွဲဝင်နေတဲ့ စစ်ရေးရင်းမြစ်အချို့ကပြောပါတယ်။
စစ်ကောင်စီတပ်ဟာ စစ်မှုထမ်းဥပဒေနဲ့ မတရားခေါ်ဆောင်ထားတဲ့ ပြည်သူ့စစ်တပ်သားသစ်တွေကို မူးယစ်ဆေးတွေကြွေးပြီးရှေ့ကတက်ခိုင်းတာလို့ သိရပါတယ်။ဒါကြောင့် ဆေးကြောင်ပြီး အသိစိတ်လွတ်သလိုရှေ့ကတက်လာတဲ့ စစ်သားတွေသေဆုံးမှုအများဆုံးဖြစ်တယ်လို့ သိရပါတယ်။
စစ်ကောင်စီတပ်ကို ခုခံတိုက်ခိုက်နေတဲ့ ကော်ဘရာစစ်ကြောင်း(၁)စစ်ကြောင်းမှူး စောကော်ကတော့ “မိဘပြည်သူတွေ ကိုယ့်သားလူငယ်ရွယ်တွေရှိရင် ပစ(ပြည်သူ့စစ်)ထဲ ပါမသွားစေရန် အထူးဂရုပြုစေချင်ပါတယ်။ ခုတက်လာတဲ့ပစတွေ ကြောင်တောင်တောင်တေ ဆေးကြွေးပြီးရှေ့ကိုလွတ်တင်တယ်လို့ယူဆရပါတယ်။ စိတ်မကောင်းစွာနဲ့ ကိုယ်ဘက်က ကိုင်ထုတ်လိုက်တာများပါတယ်”လို့ မနေ့က စက်တင်ဘာ ၂၃ရက် တိုက်ပွဲအပြီးမှာ သူရဲ့ လူမှုကွန်ရက်ကနေ ရေးသားအသိပေးထားပါတယ်။
စစ်ကောင်စီတပ်ဟာ လက်တလောမှာတော့ လေးကေ့ကော်မြို့သစ်အနားမှာဘဲ ရှိသေးပြီး မြို့ထဲကို ဝင်လို့ မရသေးပါဘူး။
တော်လှန်ရေးတပ်တွေသိမ်းပိုက်ထိန်းချုပ်ထားတဲ့လေးကေကော်မြို့သစ်ကိုပြန်ထိန်းချုပ်နိုင်ဖို့အတွက် အတွက် စစ်တပ်ဟာ စက်တင်ဘာ ၂၂ရက်ကစတင်ပြီး တပ်မ (၂၂)၊ တပ်မ(၅၅)လက်အောက်ခံတပ်တွေကိုစုစည်းပြီးအင်အား ၅၀၀လောက်နဲ့ စစ်ကြောင်းထိုးလာတာပါ။ မြဝတီမြို့စောင့်တပ် အမှတ် (၂၇၅) ခြေလျင်တပ်ရင်းကနေလည်း လက်နက်ကြီးနဲ့အဆက်မပြတ် ပစ်ကူပေးနေပါတယ်။
ထိုးစစ်ဆင်လာတဲ့စစ်တပ်ရဲ့ စစ်ကြောင်းတွေကို KNU တပ်မဟာ(၆)ဦးဆောင်တဲ့ တော်လှန်ရေးပူးပေါင်းတပ်တွေက မြို့မကျဖို့ အပြင်းအထန်ခုခံနေပါတယ်။
