အောင်တိုဘာ-၈၊၂၀၂၅။လူအေး/People’s Spring
စစ်တပ်က ရှမ်းပြည်နယ်မြောက်ပိုင်း၊ ကျောက်မဲမြို့နယ်ထဲကTNLA ထိန်းချုပ်ထားတဲ့ မိုင်းငေါ့မြို့ကိုဒီကနေ့မနက် ၁၁ နာရီကျော်မှာ လေကြောင်းကနေဗုံးကြဲခဲ့ပါတယ်။
တံတားဦးလေတပ်ကနေ တက်လာတဲ့ဂျက်ဖိုက်တာနဲ့ ဗုံးကြဲသွားတာဖြစ်ပြီး ၊ထိခိုက်မှုအခြေနေကိုမသိရသေးဘူးလို့ ရှမ်းပြည်နယ်မြောက်ပိုင်းကသတင်းရင်းမြစ်တစ်ဦးကပြောပါတယ်။
ဗုံးကြဲတိုက်ခိုက်မှုဖြစ်စဉ်ကို TNLA က ထုတ်ပြန်ထားပြီး ထိခိုက်မှုအခြေအနေကို ထပ်မံအသိပေးမယ်လို့ဆိုထားပါတယ်။
Public Service Announcement
ကျောက်မဲမြို့ကို အောက်တိုဘာလ ၁ ရက်နေ့က ပြန်လည်ထိန်းချုပ်ပြီးတဲ့နောက်ပိုင်းTNLA ထိန်းချုပ်ထားတဲ့မြို့နယ်တွေကို စစ်ကောင်စီက နေ့စဉ်ဗုံးကြဲနေပါတယ်။အောက်တိုဘာလ ၁ရက်နေ့ကနေ အောက်တိုဘာလ ၈ရက်အထိ နမ္မတူ၊ မန်တုံ၊သီပေါ၊ မိုးကုတ်၊ ကျောက်မဲ၊ မိုင်းလုံ၊ မိုင်းငေါ့မြို့တွေကို ဗုံးဆက်တိုက်ကြဲခဲ့လို့ အရပ်သား ၂၀ဦးထက်မနည်းသေဆုံးခဲ့ပါတယ်။
အောက်တိုဘာ ၇ ရက်နေ့က မိုင်းလုံမြို့ကို ဗုံးကြဲလို့ကလေးငယ်တစ်ဦးအပါအ၀င်အရပ်သား ဆယ်ဦးသေဆုံးပြီးသုံးဦးဒဏ်ရာရခဲ့ပါတယ်။
စစ်ကောင်စီက မြန်မာနိုင်ငံဒေသအနှံ့မှာ အရပ်သားပြည်သူတွေကို ပစ်မှတ်ထားပြီးဗုံးကြဲနေလို့ လုံခြုံရေးအန္တရာယ်အထူးသတိပြုကြဖို့ TNLAက တိုက်တွန်းထားပါတယ်။
