မန္တလေး အောင်မြေသာစံမြို့နယ် ၈၃လမ်းနဲ့ ၂၄လမ်းထောင့်ရှိ မြန်မာ့စီးပွားရေးဘဏ် ၂ ရှေ့ကို ဗုံးပစ်ခံရပြီးပေါက်ကွဲမှုဖြစ်ပွားခဲ့ပါတယ်။
ဒီနေ့မနက်ပိုင်း ၇ နာရီခွဲလောက်မှာ ဆိုင်ကယ် စီးအမျိုးသားဟာ ဘဏ်ရှေ့ကို ဗုံးပစ်သွားတာလို့သိရပါတယ်။
“အသံဗုံးလို့ပြောတယ်၊စကစဘက်က ထိခိုက်တာမရှိလိုက်ဘူး၊ ပစ်ပြီးပြေးသွားတာ”လို့ ဒေသခံတစ်ဦးကပြောပါတယ်။
ဗုံးပစ်သွားချိန်မှာ ဘဏ်မဖွင့်သေးချိန်ဖြစ်ပြီး အစောင့်အဖြစ် စစ်ကောင်စီတပ်ဖွဲ့ဝင်သာရှိနေတာပါ။
Public Service Announcement
ဗုံးနဲ့ပစ်ခတ်မှုကြောင့် စစ်ကောင်စီတပ်ဖွဲ့ဝင်တွေဟာ သေနတ်နဲ့လိုက်လံပစ်ခတ်တဲ့အတွက် အရပ်သားအမျိုးသမီးတစ်ဦးကျည်ဆန်ထိမှန်သွားတယ်လို့ သတင်းတွေထွက်ပေါ်နေပါတယ်။
မန္တလေးမှာ ဆိုင်ကယ်နဲ့လာရောက်တိုက်ခိုက်ခံရတာတွေကြောင့် စစ်ကောင်စီဟာ ဆိုင်ကယ်စီးရာမှာ ကန့်သတ်ချက်တွေထုတ်ထားပါတယ်။
