ချင်းပြည်နယ် မတူပီ-ဟားခါးလမ်းတွင် စစ်ကောင်စီတပ်စွဲထားသည့် နေရာအား ဝင်ရောက် တိုက်ခိုက်ရာ စစ်ကောင်စီတပ်မှ နှစ်ဦးသေ၊ လေးဦးဒဏ်ရာရရှိကြောင်း မတူပီ ချင်းကာကွယ်ရေးတပ်ဖွဲ့(CDF)က ထုတ်ပြန်သည်။
မတူပီ – ဟားခါးလမ်းမပေါ်ရှိ ဖနိုင်နှင့် ငလိုင်ရွာအကြား အသစ်ဆောက်ထားသည့် ခရိုင်ထွေအုပ်ရုံးအတွင်း တပ်စွဲထားသည့် အကြမ်းဖက်စစ်ကောင်စီတပ်အား နိုဝင်ဘာ ၂၆ရက် နံနက်ပိုင်းက တိုက်ခိုက်ခဲ့ခြင်းဖြစ်သည်ဟုဆိုသည်။
အဆိုပါ တိုက်ခိုက်မှုတွင် CDF တပ်မှ ထိခိုက်ကျဆုံးမှုမရှိကြောင်း ဖော်ပြထားသည်။
တိုက်ပွဲဖြစ်ပွားရာ ဒေသရှိ ဖနိုင်နှင့် ငလိုင်ရွာကို အာဏာ သိမ်းစစ်ကောင်စီတပ်က ပြီးခဲ့သည့်စက်တင်ဘာအတွင်း လက်နက်ကြီး လက်နက်ငယ်များ ရမ်းသမ်းပစ်ခတ်ခဲ့၍ ငလိုင်ရွာမှ အိုးအိမ်များ ပျက်စီးမှု ဖြစ်ခဲ့ပြီး ယနေ့အချိန်ထိ ရွာလုံးကျွတ် တိမ်းရှောင်နေကြရကြောင်း CDFက ထုတ်ပြန်သည်။
Public Service Announcement
နိုဝင်ဘာ ၂၅ရက်ကလည်း မတူပီ- ပလက်၀ လမ်းရှိ စစ်ကောင်ဏီတပ်၏ ကင်းစခန်းကို မတူပီ CDFနှင့် ချင်းအမျိုးသားတပ်မတော်(CNA)တို့ပူးပေါင်းတိုက်ခိုက်ခဲ့၍ စစ်ကောင်စီတပ်မှ ၂ဦးသေဆုံးပြီး ၅ဦး ဒဏ်ရာရရှိခဲ့သည်ဟု CNA ပြောရေးဆိုခွင့်ရှိသူ ဆလိုင်းထက်နီက ပြောကြားထားသည်။
