ဇန်နဝါရီ-၁၃၊၂၀၂၆။အိမ်သွင်/People’s Spring
နယ်စပ်မှာ ARSA တပ်ဖွဲ့တွေ ဝင်ရောက်တိုက်ခိုက်မှုဖြစ်ပြီးတဲ့နောက်နှစ်နိုင်ငံနယ်စပ်လုံခြုံရေးအတွက် အာရက္ခတပ်တော်(AA) တာဝန်ရှိသူအချို့ကို ဘင်္ဂလားဒေ့ရှ်အစိုးရတာဝန်ရှိသူတွေကတွေ့ဆုံဆွေးနွေးခဲ့ပါတယ်။
ဇန်နဝါရီလ ၁၃ ရက်မှာ တွေ့ဆုံဆွေးနွေးခဲ့တာဖြစ်ပြီး ၂၀၂၅ နှစ်လယ်ပိုင်းက တွေ့ဆုံပြီးတဲ့နောက် ပထမဆုံးအကြိမ် ပြန်တွေ့တာလို့ ရခိုင်သတင်းရင်းမြစ်ကပြောပါတယ်။
“နယ်စပ်တည်ငြိမ်ရေးအလေးထားဖို့ ခေါ်ပြောတာ” လို့ ၎င်းက ပြောပါတယ်။
Public Service Announcement
ဇန်နဝါရီလ၁၁ရက်မနက်ပိုင်းကဘင်္ဂလားဒေ့ရှ်နိုင်ငံ နယ်စပ်ကနေ မောင်တောမြို့နယ်ထဲကို ဝင်လာတဲ့ ARSA တပ်ဖွဲ့တွေနဲ့ အာရက္ခတပ်တော်(AA)တိုက်
ပွဲဖြစ်ပွားခဲ့ပါတယ်။ အရပ်ဝတ်တွေလည်းပါတဲ့ ARSA တပ်ဖွဲ့ဝင်တွေဟာ နယ်စပ်ကို ဝင်လာပြီး စတင်တိုက်ခိုက်တာလို့ ဒေသခံသတင်းရင်းမြစ်ကပြောပါတယ်။AAလုံခြုံရေးတပ်တွေက တားဆီးတိုက်ခိုက်ချိန်မှာဘင်္ဂလားဒေ့ရှ်နိုင်ငံထဲကို ထွက်
ပြေးသွားတယ်လို့ ဆိုပါတယ်။
ထွက်ပြေးသွားတဲ့ ARSA အဖွဲ့တွေကို ဘင်္ဂလားဒေ့ရှ် နယ်ခြားစောင့်တပ်(BGB) က ဖမ်းဆီးသွားပြီး ၅၂ဦးကို ထောင်ဒဏ်ချမှတ်ခဲ့တယ်လို့လည်း သတင်းရရှိပါတယ်။
ဇန်နဝါရီလ၁၁ရက်ကဖြစ်ပွားတဲ့တိုက်ပွဲမှာ မောင်တောမြို့နယ် နတ်မြစ်တစ်ဖက်ကမ်းရှိ ဘင်္ဂလားဒေ့ရှ် တက္ကနပ်မြို့နယ်အတွင်းသို့ လက်နက်ကြီးတချို့ကျရောက် ပေါက်ကွဲခဲ့ပြီး ဘင်္ဂလားဒေ့ရှ်နိုင်ငံသား အမျိုးသမီးငယ်တစ်ဦးဒဏ်ရာရခဲ့တယ်လို့ သိရပါတယ်။ မြန်မာဘက်ကပဋိပက္ခတွေကိုထိန်းသိမ်းမှုဆိုပြီးတော့ စစ်ကောင်စီရဲ့ဘင်္ဂလားဒေ့ရှ်ဆိုင်ရာမြန်မာသံအမတ်ကိုလည်းဘင်္ဂလား ဒေ့ရှ်အစိုးရကခေါ်ယူသတိပေးခဲ့တယ်လို့ သ
တင်းရရှိပါတယ်။
ရခိုင်ပြည်နယ်မှာ၁၇မြို့နယ်ရှိတာမှာအာရက္ခတပ်တော်က ၁၄ မြို့နယ်ကသိမ်းပိုက်ထိန်းချုပ်ထားတာဖြစ်ပါတယ် ။စစ်တွေ ၊ကျောက်ဖြူ ၊မာန်အောင်မြို့နယ်တို့ကိုပဲ AA မသိမ်းပိုက်ရသေးတာဖြစ်ပြီး ဒီရက်ပိုင်းမှာ ကျောက်ဖြူနဲ့ စစ်တွေမြို့
နယ်တွေမှာ AA ထိုးစစ်အရှိန်မြင့်လာပါတယ်။
ဘင်္ဂလားဒေ့ရှ်နိုင်ငံနယ်စပ်မှာ ခြေကုပ်ရယူပြီး နယ်စပ်တလျှောက်စိမ့်ဝင်နေတဲ့ ARSA ၊ RSO အဖွဲ့တွေက မွတ်ဆလင်မဟုတ်တဲ့ဒေသခံတွေကို ဖမ်းဆီးသတ်ဖြတ်တာတွေရှိနေပြီး လုံခြုံရေးသတိပြုနေထိုင်ကြဖို့ AAက သတိပေးထားပါတယ်။။ အကြမ်းဖက်မှုကို ကာကွယ်ဖို့ လုံခြုံရေးတိုးမြှင့်သွားမှာဖြစ်ပြီး ရခိုင်-ဘင်္ဂလားဒေ့ရှ် နယ်
စပ်ဒေသနေ ပြည်သူတွေပူးပေါင်းပါဝင်ကြဖို့ AA
က ၂၀၂၅ စက်တင်ဘာ ၁၉ရက်မှာ ထုတ်ပြန်ထားပါတယ်။
