ဖားကန့်မှာတိုက်ပွဲဆက်ဖြစ် ၊စစ်တပ်စစ်​ကြောင်း ဒရုန်းဗုံးထိပြီး​သေဆုံးထိခိုက်သူများ

ဧပြီ-၂၃၊၂၀၂၆။ဇော်ရမ်း/People’s Spring

ဖားကန့်မှာ အာဏာသိမ်းစစ်တပ် နဲ့ KIA၊KPDF ဟာ လက်နက်ကြီးနဲ့ဒရုန်း​တွေအဓိကသုံးပြီးတိုက်ပွဲဆက်လက်ဖြစ်ခဲ့ပြီး စစ်ကောင်စီတပ်ဖွဲ့ဝင်၁၅ ဦးထက်မနည်းသေဆုံးခဲ့တယ်လို့ ဒေသခံစစ်ရေးသတင်းရင်းမြစ်တွေကပြောပါတယ်။

လုံးခင်းဂေါက်ကွင်းအနီးရောက်ရှိနေတဲ့စစ်ကြောင်းနဲ့ ဒေသအခေါ် မျောခြံမှာ တပ်စွဲထားတဲ့စစ်ကြောင်းကို KIA၊KPDFက ဒရုန်းနဲ့ ဗုံးကြဲခဲ့တာမှာ အထိနာခဲ့တာပါ။ အဲ့ဒီတိုကိုက်မှု နှစ်ကြိမ်မှာ စစ်ကောင်စီတပ်ဖွဲ့ဝင်၁၅ဦးထက်မနည်းသေဆုံးမှုရှိခဲ့တယ်လို့ KIAနဲ့ နီးစပ်တဲ့ သတင်းရင်းမြစ်ကပြောပါတယ်။

စစ်တပ်ဗျူဟာကုန်းက‌နေ လက်နက်ကြီးနဲ့ပစ်ခတ်တာမှာဆေးရုံကုန်းအနီးကျရောက်ပြီး အရပ်သား သုံးဦး ဒဏ်ရာရခဲ့တယ်လို့ သိရပါတယ်။

Public Service Announcement

ဖားကန့်မှာဧပြီလ၂ရက်က စတင်ပြီး တိုက်ပွဲတွေဖြစ်တာပါ။စစ်တပ်ကအရပ်သားပြည်သူတွေကိုဖမ်းဆီးမှုတွေ၊ သတ်ဖြတ်မှု ‌တွေလည်းရှိနေပြီး ဒေသခံတွေ ထွက်ပြေးတိမ်းရှောင်နေကြရပါတယ်။ လူမှုကယ်ဆယ်ရေးရုံးခန်းအချို့မှာလည်း စစ်ကောင်စီကတပ်စွဲထားပါတယ်။

စစ်တပ်စစ်​ကြောင်း​တွေကအရပ်သားတွေကိုဖမ်းဆီးတဲ့အပြင် Mai ဆေးရုံလို့လူသိများတဲ့ပုဂ္ဂလိကဆေးရုံက ဆရာဝန်တွေနဲ့ကျန်းမာရေးဝန်ထမ်းတွေကိုဧပြီလ ၂၁ရက်နေ့မှာ ဖမ်းဆီးသွားပါတယ်။၊ပြီ ၂၃ ရက်​နေ့အထိပြန်မလွတ်သေးဘူးလို့ဒေသခံတွေက ပြောပါတယ်။

ဒါ့အပြင်စစ်ကောင်စီတပ်တွေကဧပြီလ ၁၃ရက်နေ့က PDFရဲဘော်တစ်ဦး အရပ်သား သုံးဦးကို သတ်ဖြတ်ပြီး အများပြည်သူသွားလာနေတဲ့နေရာမှာ အလောင်းစွန့်ပစ်ခဲ့သလို ဧပြီ ၂၂ ရက်ကလည်း အရပ်သားတစ်ဦးရဲ့ ရုပ်အလောင်းကို လုံးခင်းကျေးရွာ လမ်းမတစ်နေရာမှာ စွန့်ပစ်သွားတယ်လို့သတင်းရရှိပါတယ်။

လူနေရပ်ကွက်တွေကို စစ်ကောင်စီတပ်တွေက အကာအကွယ်ယူ စစ်ကြောင်းထိုးနေလို့ ပြည်သူ​တွေအ​နေနဲ့ လုံခြုံရေးအထူးသတိပြုကြဖို့ KIAနဲ့ KPDF က သတိပေးထားပါတယ်။

ဒါအပြင်စစ်တပ်အင်အားဖြည့်တင်းနေတဲ့ ဖားကန့်- ကာမိုင်းလမ်းပိုင်းကိုလည်း ဧပြီလ၂၂ရက်နေ့ကစပြီး ယာယီပိတ်ထားမယ်လို့ KIAက သတင်းထုတ်ပြန်ထားပါတယ်။