မေ ၂၉၊ ၂၀၂၆။မေရီ/People’s Spring
မန္တလေးမြို့၊မဟာအောင်မြေမြို့နယ်မှာ စစ်ကောင်စီရဲ့ယာဥ်ထိန်းရဲကင်း မီးလောင်ကျွမ်းမှုဖြစ်ပွားခဲ့ကြောင်း ဒေသခံတွေက ပြောပါတယ်။
မေလ ၂၈ ရက် ညနေ ၅ နာရီ မိနစ် ၂၀ခန့်က မန္တလေးမြို့၊ မဟာအောင်မြေမြို့နယ်၊ မဟာနွယ်စဉ်ရပ်ကွက်၊ ၇၃ လမ်းမကြီးနဲ့ ၃၅ လမ်းမကြီးထောင့်ရှိ ယာဥ်ထိန်းရဲကင်း မီးလောင်ကျွမ်းခဲ့တာဖြစ်ကြောင်း ရပ်ကွက်ခံတွေက ပြောပါတယ်။
“ယာဥ်ထိန်းရဲကင်းထဲက စက်ခန်းမီးလောင်တာ”လို့ ဒေသခံတစ်ဦးက ပြောပါတယ်။
Public Service Announcement
မီးလောင်ရာကို မြို့ပေါ်မီးသတ်စခန်းတွေက မီးသတ်ကားတွေ လာရောက်ငြှိမ်းသတ်ခဲ့တယ်လို့ သိရပြီး ဘေးဝန်းကျင် နေအိမ်တွေနဲ့ ဆိုင်ခန်းတွေကို မီးကူးစက်တာမျိုး မရှိဘူးလို့ ဒေသခံတွေက ပြောပါတယ်။
မီးသတင်းတွေကို ဖော်ပြနေတဲ့ မီးသတ်ဦးစီးဌာနကတော့ အဆိုပါ ယာဥ်ထိန်းရဲကင်းမီးလောင်တဲ့သတင်းကို ထုတ်ပြန်ထားတာ မတွေ့ရသေးပါဘူး။
https://www.facebook.com/reel/827560090128824
ရုပ်သံ-ဒေသခံ လူမှုကွန်ရက်သုံးစွဲသူ
