ဇွန် – ၁၆ ၊၂၀၂၆
ပဲခူးတိုင်းဒေသကြီး၊ ဖြူးမြို့နယ်၊ ကညွှတ်ကွင်းမြို့မှာ မနေ့က( ဇွန်လ ၁၅ ရက်) အသက် ၁၂ နှစ်အရွယ် အမွှာမောင်နှမအပါအဝင် ကလေးငယ်သုံးဦး ရေနစ်သေဆုံးခဲ့တယ်လို့ လူမူကူညီရေး လုပ်ကိုင်သူအချို့ဆီက သိရပါတယ်။
ကညွှတ်ကွင်းမြို့၊ ခင်တန်းရပ်ကွက်၊ ခင်တန်းတိုးချဲ့မြေနေရာ ၊သင်္ချိုင်းကုန်းအနီးရှိ မြေကွက်လပ်မှာ မြေတူးထားတဲ့ ရေအိုင်အတွင်း ကလေးငယ် သုံးဦး ရေဆင်းကစားရာ ရေနစ်သေဆုံးခဲ့ရတာပါ။
“မနေ့ကနေလယ်ပိုင်းလောက်မှာကလေးတွေရေဆင်းဆော့ရင်ဖြစ်တာပေါ့၊ အားလုံးကမောင်နှမတွေပါ ၊ဆေးရုံကတဆင့်အိမ်ပြန်သယ်သွားပြီး မနက်ဖြန် သင်္ဂြိုဟ်သွားမှာပါ”လို့လူမူကူညီရေးလုပ်ကိုင်သူတစ်ဦးကပြောပါတယ်။
Public Service Announcement
ရေနစ်သေဆုံးခဲ့တဲ့ကလေးငယ်တွေကတော့ အသက် ၁၂ နှစ်အရွယ် စတုတ္ထတန်းအရွယ် အမွှာမောင်နှမ ဖြစ်တဲ့ မကြယ်စင်အေးနဲ့ မောင်ကြယ်စင်အောင်ဖြစ်ပြီး အသက် ၇ နှစ်အရွယ် ဒုတိယတန်းကျောင်းသူ မဇွန်ပန်းဖြူ လိုသိရပါတယ်။
ပြီးခဲ့တဲ့ မေ ၂၂ ရက်နေ့ကလည်း ပဲခူးမြို့၊ ဇလပ်ထော်ရေလှောင်တမံအတွင်း ရေဆင်းကူးတဲ့ ကလေးငယ်လေးယောက် အခုလိုပဲရေနစ်သေဆုံးခဲ့ပါတယ်။
