မလှိုင်မှာစစ်တပ်စစ်​ကြောင်းကိုPDFနဲ့ ပကဖတိုက်ခိုက်၊အလောင်းနဲ့ လက်နက်​တွေရ

ဇူလိုင် ၁၀၊၂၀၂၆။ထားမြတ်/ People’s Spring

မန္တလေးတိုင်း မလှိုင်မြို့နယ်အတွင်း စစ်ကြောင်းထိုးလာတဲ့ စစ်တပ်စစ်​ကြောင်းကို ဒေသတွေင်း PDFနဲ့ ပကဖ ပူးပေါင်းတပ်က ခုခံတိုက်ခိုက်ခဲ့ရာ ၁၅ရက် ကြာ တိုက်ပွဲဖြစ်ခဲ့ကြောင်း ပြည်သူ့ကာကွယ်ရေးတပ်မတော်(PDF) မြင်းခြံခရိုင် တပ်ရင်း(၁)က သတင်းထုတ်ပြန်ပါတယ်။

ဇွန် ၁၂ရက်မှာ မလှိုင်မြို့ကနေ အင်အား ၁၀၀ ပါ တပ်မ (၉၉) ပူးပေါင်းစစ်ကြောင်းကို မလှိုင်မြို့နယ် ပန်းအိုင်ရွာနဲ့ ကျောက်တွင်းရွာကြားမှာ တိုက်ခိုက်ခဲ့တာလို့ သိရပါတယ်။

တိုက်ခိုက်မှုအတွင်းတပ်မ (၉၉) ဘက်တံဆိပ် အလောင်း၄ လောင်းနဲ့ လက်နက်ခဲယမ်း​တွေသိမ်းဆည်းရခဲ့ပြီး စစ်တပ်ဟာ ပန်းအိုင်ရွာဘက်ကို ဆုတ်ခွာ ထွက်ပြေးသွားတယ်လို့ ဆိုပါတယ်။

Public Service Announcement

တိုက်ပွဲအတွင်းစစ်တပ်စစ်​ကြောင်းထံက RPG အပါအဝင်လက်နက်မျိုးစုံ ၆လက် သိမ်းရခဲ့ကြောင်း သိရပါတယ်။ တိုက်ပွဲများ ၁၅ ရက်ဝန်းကျင် ဖြစ်ခဲ့တယ်လို့ ဖော်ပြထားပြီး အသေးစိတ် အခြေအနေတွေကို​တော့ ထုတ်ပြန်ထားခြင်းမရှိ​သေးပါဘူး။

စစ်တပ်စစ်ကြောင်းကို မြင်းခြံခရိုင် အမှတ် (၁)တပ်ရင်း၊ မြင်းခြံခရိုင်အမှတ် (၃)တပ်ရင်း၊ မိတ္ထီလာခရိုင်အမှတ် (၂)တပ်ရင်း၊ မိတ္ထီလာခရိုင် ပကဖ၊ မလိူင်မြို့နယ် ပကဖ၊ စဥ်ကိုင်မြို့နယ် ပကဖ၊ မိတ္ထီလာမြို့နယ် ပကဖတို့ ပူးပေါင်း ခုခံတိုက်ခိုက်ခဲ့တာလို့ အသိပေးထားပါတယ်။