NLD ထိပ်ပိုင်းခေါင်းဆောင်တစ်ဦးဖြစ်တဲ့ စစ်ကိုင်းတိုင်းဝန်ကြီးချုပ် ဒေါက်တာမြင့်နိုင်ကို စစ်ကောင်စီဟာ ဆူပူအောင်လှုံဆော်မှု ရာဇသတ်ကြီး ပုဒ်မ ၅၀၅(ခ) နဲ့ ဒီနေ့မှာ ထောင်ဒဏ် ၂ နှစ်ချလိုက်တယ်လို့သိရပါတယ်။
ဝန်ကြီးချုပ်ဒေါက်တာမြင့်နိုင်ကို မုံရွာအကျဉ်းထောင်မှာ ဖမ်းဆီးထားတာဖြစ်ပြီး အခြားသောအမှုတွေကိုရင်ဆိုင်နေရပါတယ်။
စစ်အာဏာသိမ်းပြီးနောက် NLD ရဲ့တိုင်းနဲ့ပြည်နယ်ဝန်ကြီးချုပ်အများစုကို စစ်ကောင်စီ ဟာ တရားစွဲရာမှာ ကနဦးအနေနဲ့ ပုဒ်မ ၅၀၅ (ခ) နဲ့ စတင် စွဲဆိုတာဖြစ်ပါတယ်။
အဲဒီပုဒ်မနဲ့ လက်ရှိအချိန်ထိ သမ္မတဦးဝင်းမြင့် ၊ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ၊ကရင်ပြည်နယ်ဝန်ကြီးချုပ် နန်းခင်ထွေးမြင့် ၊ ရခိုင်ပြည်နယ်ဝန်ကြီးချုပ်ဦးညီပု ၊မကွေးတိုင်းဝန်ကြီးချုပ် ဒေါက်တာအောင်မိုးညို ၊မန္တလေးတိုင်းဝန်ကြီးချုပ် ဒေါက်တာဇော်မြင့်မောင် ၊တနင်္သာရီတိုင်းဝန်ကြီးချုပ်ဦးမြင့်မောင် တို့ကို ထောင်ချထားပြီးဖြစ်ပါတယ်။
Public Service Announcement
