ဇူလိုင်-၂၅၊၂၀၂၆။ဖိုးသား/People’s Spring
ရှေးဟောင်းယဉ်ကျေးမှုအမွေအနှစ်တွေရှိတဲ့ မကွေးတိုင်း၊ ချောက်မြို့နယ်က ပခန်းငယ်(ခ)ပုဂံငယ် ကျေးရွာကို စစ်တပ်က ၀င်ရောက်မီးရှို့ ဖျက်ဆီးနေတယ်လို့ မကွေးတိုင်းပြည်သူ့ကာကွယ်ရေးအဖွဲ့(မကွေးတိုင်း ပကဖ)က ထုတ်ပြန်ပါတယ်။
ဒီကနေ့(ဇူလိုင် ၂၅ ရက်)မနက် ၈ နာရီ ၁၉ မိနစ်ကစပြီး စစ်တပ်က ဧရာ၀တီမြစ်ကမ်းဘေးမှာရှိတဲ့ ပခန်းငယ်ကျေးရွာကို နေရာ ၄နေရာခွဲကာ မီးရှို့ဖျက်ဆီးနေတာလို့ ဆိုပါတယ်။
“အိမ်ခြေက ၂၀၀ ကျော် လူဦးရေ ၁၀၀၀ ကျော်ရှိတယ်။ဒေသခံတွေရဲ့ အခြေအနေကို မသိရသေးဘူး”လို့ ပခန်းငယ်ရွာရဲ့ နောက်ဆုံးအခြေအနေကို မကွေးပကဖ တာ၀န်ရှိသူက ပြောပါတယ်။
Public Service Announcement
ပခန်းငယ် (ခ) ပုဂံငယ်ကျေးရွာဟာ မြန်မာ့သမိုင်းနဲ့ ယဉ်ကျေးမှုအရ ပထမနိုင်ငံတော်လို့ တင်စားခေါ်ဝေါ်ခဲ့ကြတဲ့ ရှေးဟောင်းမြို့တော် ပုဂံမြို့နဲ့ ခေတ်ပြိုင် ယဉ်ကျေးမှုတွေ ထွန်းကားခဲ့တာဖြစ်ပါတယ်။
ခေတ်ပြိုင်ယဉ်ကျေးမှုတွေ ထွန်းကားခဲ့တာကြောင့် လက်ရှ်ိ ကျေးရွာအတွင်း ထိန်းသိမ်းထားတဲ့ ဘုရားစေတီနဲ့ ရှေးဟောင်းအဆောက်အဦပေါင်း (၈၁)ခု ရှိတယ်လို့ သိရပါတယ်။
အဲဒီ စေတီပုထိုး၊အဆောက်အဦတွေရဲ့ အတွင်းပိုင်းလက်ရာတွေဟာ ပုဂံခေတ်ယဉ်ကျေးမှု လက်ရာတွေ တွေ့မြင်ရပြီး အပြင်ဘက်ပိုင်းမှာ ညောင်ရမ်းခေတ်၊ အင်း၀ခေတ်၊ ကုန်းဘောင်ခေတ် လက်ရာတွေ တွေ့မြင်ရနိုင်တယ်လို့ မကွေးတိုင်း ပကဖက ထုတ်ပြန်ထားပါတယ်။
