'/%3E%3C/svg%3E){kind=small}
အောက်တိုဘာ – ၂၆ ၊၂၀၂၆
ထိုင်း – မြန်မာနယ်စပ်အနီး မြန်မာဘက်ခြမ်းမြဝတီမြို့နယ်အတွင်း တကျော့ပြန်ပြန်လည်ဖြစ်ပွားနေတဲ့တိုက်ပွဲတွေကြောင့်ထိုင်းပိုက်နက်ထဲ လက်နက်ကြီးကျည် ကျရောက်ပေါက်ကွဲခဲ့ပြီး လူထိခိုက်မှုရှိခဲ့တဲ့အတွက် နယ်စပ်လုံခြုံရေးတိုးမြှင့်လိုက်သလိုကျည်ထပ်ကျရင်သတိပေးပစ်ခတ်မှုတွေလုပ်ဆောင်မယ်လို့ ထိုင်းစစ်တပ်က ထုတ်ပြန်လာပါတယ်။
ပြီးခဲ့တဲ့ရက်ပိုင်းက မြဝတီမြို့တောင်ဘက် ၊ ဖလူးနဲ့မင်းလက်ပံရွာတွေမှာ စစ်တပ်နဲ့ KNU ပူးပေါင်းတပ်ကြား တိုက်ပွဲဖြစ်ရာမှာ လက်နက်ကြီးကျည်လေးလုံး ဟာ ထိုင်းဘက်ခြမ်း ၊မဲဆောက်မြို့ ၊ မဟာဝမ်ကျေးရွာအုပ်စုထဲကျရောက်ခဲ့တာပါ။
ဖြစ်စဉ်မှာ နေအိမ်အချို့ ထိခိုက်ခဲ့သလို လူတစ်ဦးလည်းဒဏ်ရာရခဲ့ပါတယ်။
Public Service Announcement
အဲဒီနောက်မှာတော့ထိုင်းစစ်တပ်က နယ်စပ်မှာ စစ်ကားတွေအပါအဝင်တပ်ဖွဲ့ဝင်တွေကို တပ်ဖြန့်ကာ စစ်ရေးအခြေအနေကိုအနီးကပ်စောင့်ကြည့်လာတာပါ။
ထိုင်းသတင်းမီဒီယာ Khaosod ရဲ့ဖော်ပြချက်အရတော့ နယ်ကျော်ကျလာတဲ့ခဲယမ်းတွေကိုကိုင်တွယ်ဖြေရှင်းဖို့ ထိုင်းစစ်တပ်က အစီအမံတွေချထားတယ်လို့ဆိုပါတယ်။
အဲဒီအစီအမံထဲမှာ ထိုင်းနိုင်ငံသားတွေရဲ့အသက်အိုးအိမ်စည်းစိမ်ကိုထိခိုက်လာမှုရှိရင်သတိပေးပစ်ခတ်မယ့်အစီအမံလည်းပါဝင်နေပါတယ်။
