စစ်အာဏာရှင်ကို တွေ့ဆုံတဲ့ ထိုင်းအစိုးရကို ကန့်ကွက်ကြောင်း အမေရိကန်ရောက် မြန်မာတွေ ဆန္ဒပြ

သြဂုတ် ၁၆၊၂၀၂၆။သုည/People’s Spring

အမေရိကန်ပြည်ထောင်စု ဝါရှင်တန်ဒီစီရှိ ထိုင်းသံရုံးရှေ့မှာ ပြည်ပရောက် မြန်မာတွေက စစ်အာဏာရှင်ကို ဖိတ်ခေါ်တွေ့ဆုံတဲ့ ထိုင်းအစိုးရနဲ့ဝန်ကြီးချုပ်ကို ဆန့်ကျင်ကန့်ကွက်ကြောင်း သြဂုတ် ၁၅ ရက်မှာ ဆန္ဒပြခဲ့ကြပါတယ်။

အာဆီယံဘုံသဘောတူညီချက် ၅ ရပ်အတိုင်း လိုက်နာဖို့ မကြိုးစားဘဲ စစ်ခေါင်းဆောင် မင်းအောင်လှိုင်ကို အသိအမှတ်ပြုဖို့ လုပ်တဲ့ကိစ္စမှန်သမျှကို လုံးဝဆန့်ကျင်ကြောင်း ပြည်ပရောက် မြန်မာ့အရေးဆောင်ရွက်သူတွေက ဆန္ဒထုတ်ဖော်ပြသခဲ့ပါတယ်။

ဒါ့အပြင် “Anti Dictators in Burma” ၊ “Burmese Military Stop Killing Us” ၊ “Save Myanmar” ၊ “Let’s End Military Dictatorship” ၊ “ကမ္ဘာမကြေဘူး” ၊ “စစ်အာဏာရှင်စနစ် ကျရှုံးရမည်” စတဲ့ စာသားတွေ ကိုင်ဆောင်ပြီး ဆန္ဒပြခဲ့သလို “Proof of Life” နဲ့ ဒေါ်အောင်ဆန်းစုကြည် ရုပ်ပုံကို ကိုင်​ဆောင်ကာ ဒေါ်အောင်ဆန်းစုကြည်နဲ့တကွ နိုင်ကျဥ်းအားလုံး လွှတ်ပေးဖို့ကိုလည်း တောင်းဆိုခဲ့ကြပါတယ်။

Public Service Announcement

ဓာတ်ပုံ – Myanmar Society of USA,INC