ရန်ကုန်ဘက်မှ မန္တလေးမြို့ဘက်သို့ ခုတ်မောင်းလာသည့် စစ်ကောင်စီတပ်၏ ထောက်ပို့ရထားတွဲအား မိုင်းခွဲတိုက်ခိုက်ခဲ့ကြောင်း စဥ့်ကိုင်မြို့နယ်ဒေသကာကွယ်ရေးတပ်ဖွဲ့က ယနေ့ (ဒီဇင်ဘာ ၂၄)ထုတ်ပြန်သည်။
ယနေ့နံနက် ၉ နာရီခန့်က ရန်ကုန်ဘက်မှ မန္တလေးမြို့ဘက်သို့လာသည့် စစ်ကောင်စီတပ်၏ ထောက်ပို့တွဲပါရထားတစ်စင်းအား စဥ့်ကိုင်မြို့နယ် ဘီးလင်းကျေးရွာအနီး မိုင်းခွဲတိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြ သည်။
အဆိုပါတိုက်ခိုက်မှုကြောင့် စစ်ကောင်စီတပ်၏ စာပို့တွဲပါသည့် ခုနစ်တွဲမြောက်ရှိ ရထားတွဲတစ်တွဲထိခိုက်ပျက်ဆီးသွားပြီး ခရီးသွားပြည်သူများ ထိခိုက်မှုမရှိခဲ့ဟု ထုတ်ပြန်ချက်က ဆိုသည်။
ထိုသို့ ရထားတွဲဖောက်ခွဲခံရချိန်တွင် စစ်ကောင်စီတပ်များအား ဆက်လက်တိုက်ခိုက်ရန် စီစဥ်ခဲ့သော်လည်း ရထားအနီးသို့ ပြည်သူများရောက်ရှိလာခြင်းကြောင့် တိုက်ခိုက်မှုဆက်မလုပ်နိုင်ဘဲ တပ်ဆုတ်ခဲ့ရသည်ဟုလည်း စဥ့်ကိုင် PDF ၏ ထုတ်ပြန်ချက်တွင် ဖော်ပြ သည်။
Public Service Announcement
“ယခုအခါ အကြမ်းဖက်စစ်ကောင်စီမှ ရိက္ခာလက်နက် သယ်ယူပို့ဆောင်ရေးပြုလုပ်ရာ ရထားကို ဦးစားပေးအသုံးပြုနေကြောင်း သိရသည်”ဟု ၎င်းတို့က ဆိုသည်။
မိုင်းခွဲတိုက်ခိုက်ခံရသော ရထားသည် တွဲပေါင်း ၁၃ တွဲပါရှိပြီး ဖောက်ခွဲမှုကြောင့် ခုနစ်တွဲမြောက်ရထားတွဲ ထိခိုက်ပျက်ဆီးခဲ့ခြင်း ဖြစ်သည်။
