စက်တင်ဘာ-၂၇၊၂၀၂၆/ဆဏ်း/People’s Spring
နယူးယောက်မြို့မှာပြုလုပ်ခဲ့တဲ့ Rဇာနည်နဲ့ဖြူဖြူကျော်သိန်းတို့ရဲ့ ဖျော်ဖြေပွဲကနေ အမြတ်ငွေ အမေရိကန်ဒေါ်လာ ၃၈၀၀၀ ကျော်ရရှိခဲ့ပြီး မြေပြင်ကလိုအပ်တဲ့နေရာတွေကို ကူညီသွားမယ်လို့ NYCBC က အသိပေးထားပါတယ်။
ဒီဖျော်ဖြေပွဲကို စက်တင်ဘာ ၁၂ ရက်က နယူးယောက်မြို့မှာ ပြုလုပ်ခဲ့တာဖြစ်ပြီး ဖြူဖြူကျော်သိန်း အမေရိကန်ဝင်ခွင့်ဗီဇာ မရလို့ လူကိုယ်တိုင် မလာရောက်နိုင်ခဲ့တာ ကြောင့်လက်မှတ်ပြန်အမ်းငွေထုတ်ယူတာတွေ တော်တော်များများကြုံခဲ့ရတယ်လို့ NYCBC က ထုတ်ပြန်ထားပါတယ်။
ဒါပေမယ့်လည်း အမာခံပရိသတ်တွေနဲ့ နယူးယောက်ကထောက်ပို့ မိတ်ဆွေတွေရဲ့ အားပေးမှုတွေကြောင့် အမြတ်ငွေ အမေရိကန်ဒေါ်လာ ၃၈၀၁၂.၂၄ ရရှိခဲ့တယ်လို့ ဖော်ပြထားပါတယ်။
Public Service Announcement
“ရရှိလာသော ရံပုံငွေအားလုံးကို မြန်မာပြည်ရှိလိုအပ်သောနေရာ အသီးသီးသို့ လူသားချင်းစာနာမှုဆိုင်ရာ အကူအညီအဖြစ် ထောက်ပို့လှူဒါန်းသွားပါမည်။” လို့ NYCBC က ထုတ်ပြန်ထားပါတယ်။
ဒီဖျော်ဖြေပွဲကို ဖြူဖြူကျော်သိန်း လူကိုယ်တိုင်မလာရောက်နိုင်ပေမယ့် အွန်လိုင်းကနေ တစ်ကိုယ်တော်သီချင်းတွေ အပါအဝင် Rဇာနည်နဲ့လည်းစုံတွဲသီချင်းတွေသီဆိုပေးခဲ့ပါတယ်။
ဒါ့အပြင် ဖျော်ဖြေပွဲမှာ R ဇာနည်နဲ့ အတူ Mသီဟနဲ့ ခင်စုစုနိုင်တို့ကလည်း အားဖြည့်သီဆိုမှုတွေပြုလုပ်ပေးခဲ့တာပါ။
